Ukiakkut ataatsimiinneq nalinginnaasumik ammaanersiorneqarpoq
- Inatsisartuni maani sivisuumik ulapinnartumillu ataatsimiinnialerpugut inuiaqatigiinnullu eqqortumik aalajangiinissarput tamatta aalajangiussimavarput. Pissutsimmi allanngortinngiinnarneqarsinnaanngillat!
Aamma atuaruk Atorfilittat sulinerat Aleqap pisuutippaa
- Unammisassarpassuaqarpoq suliassaqarfinnilu ataasiakkaani pitsaanerpaamik angusaqarnissatsinnut isummat suli amerlanerugunarput, Aleqa Hammond oqalugiaatini aallartillugu taama oqarpoq.
Oqalugiaataa quppernernik 40-nik takissusilik Naalakkersuisut nittartagaanni tamakkerlugu atuarsinnaavat.
Tamassuma kingorna Naalakkersuisut siulittaasuata Naalakkersuisut suliarisaasa killiffii ataasiakkaarlugit eqqartorpai. Naggataagullu Aleqa Hammondip nunatta karsianit aningaasanik atornerluisimanini eqqaavaa.
- Nassuerutigalugu oqaatigissavara, ullut kingulliit sammineqarnerujussuara Namminersorlutillu Oqartussanut akiligassaqarsimanera Inatsisartuni inuiaqatigiinnilu aalassassimaarutaasimaqimmat. Suliap eqqissilluni suliarineqarnissaa qulakkeerniarlugu iliuuseqarusuppunga.
- Taamaattumik Inatsisartut maani katersuuttut qinersisartullu matumuuna nalunaarfigissavakka, Inatsisartuni ilaasortatut Naalakkersuisullu Siulittaasuattut Kukkunersiunermik Ataatsimiititaliap misissuinerata ingerlanerani kiisalu ataatsimiititaliap isumaliuutissiissumminik saqqummiussinissaata tungaanut sulinngiffeqarnissara qinnutigisimagakku.
- Misissuineq taanna pingaaruteqarpallaaqaaq, samminninneq uannuinnaq tunngatinneqassappat, suliaq suliamilu pissutsit pingaaruteqarpallaaqaat taamaasiussanngikkuma. Taamaattumik eqqortoq ataasiinnaq tassaavoq, Kukkunersiuinermik Ataatsimiititaliap sulinerata nalaani sulinngiffeqarallarnissara, taamaasiornikkut suliap Kukkunersiuinermut Ataatsimiititaliami suliarineqarnerata nalaani sapinngisaq tamaat Inatsisartut eqqissillutik sulinissaat qulakkeerniarlugu, Aleqa Hammond oqarpoq.
Taamaalilluni Aleqa Hammondip ukiakkut ataatsimiilluarnissamik kissaassivoq.
ALEQA HAMMONDIP ATORNERLUISIMANERA PILLUGU ALLAASERISAT
AAMMA ATUARUK Akerliussutsimik takutitsisut: Naammaleqaaq! Naammaleqaaq!
AAMMA ATUARUK IA: Assortorneqarsinnaanngitsumik Naalakkersuisut siulittaasuat inatsisinik unioqqutsitsivoq
AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq
AAMMA ATUARUK Kuupik V. Kleist Inatsisartunit tunuarniuteqarpoq
AAMMA ATUARUK Naalakkersuisunik allannguinerit pingajussaat
AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat
AAMMA ATUARUK Immikkut ilisimasalik: Jeremiassen marlunngorpat aalajangiisuussaaq
AAMMA ATUARUK Krusep akiligassaqarsimaneq ”akueriumanngilaa”
AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa
AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa
AAMMA ATUARUK Inuit Ataqatigiit: Qinersisoqarli
AAMMA ATUARUK Naalakkersuisooqatigiinni eqqissisaaneq
AAMMA ATUARUK Aleqap angalatitsivik pisuutikkaa
AAMMA ATUARUK Aleqap Nunatta karsia atornerlukkaa