Kuupik V. Kleist Inatsisartunit tunuarniuteqarpoq
- Piffissami qaangiuttumi Namminersorlutik Oqartussanut akiitsorilersimasakka naammattumik eqeersimaarfigisimannginnakkit ajuusaarutigaara, taamaattoqarneralu kinguneqartinneqartariaqartoq isumaqarama tunuarnissannik qinnuteqarnissara aalajangiuppara, Kuupik Kleist tusagassiorfinnut nalunaaruteqarluni taama allappoq.
AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa
- Isumaqarama iliuuseqannginnikkut Inatsisartut naalakkersuinikkullu suliallit allat isigineqarnerat innarlerneqassasoq tunuarnissara toqqarpara.
Kissaatigaara Inuit Ataqatigiinni Inatsisartunut ilaasortassatut tulliinnguuttoq taarserlunga aggersarneqassasoq.
Tamatuma saniatigut kissaatigaara ilaasortaajunnaarninni pisussaaffiit aammalu pisinnaatitaaffiit pillugit paasitinneqassallunga.
Periarfissaq manna atorlugu maannamut suleqatigiissimanitsinnut tamassinnut qujavunga, Kuupik Kleist taama allappoq.
