Politikki

Naalakkersuisunik allannguinerit pingajussaat

Oqaatigineqareersutut Atassut arfininngormat nutaamik siulittaasortaarpoq. Gerhardt Petersen tallimaannarnit taaneqarluni siulittaasuujunnarpoq Knud Kristiansenimillu taarserneqarluni. Taanna ataatsimeersuarnermi 19-init taaneqarluni siulittaasunngorpoq.

Knud Kristiansen, Atassutip siulittaasua.

Allattoq Niels Krogh Søndergaard

septembarip 29-at 2014 09:14

Nutserisoq Simon Uldum -

Partii Inuit naalakkersuisoqatigiinnit anisitaanerisa kingorna, Aleqa Hammondip Atassut pissaanermik anginerusumik tunisariaqarsimavaa. Siverth K. Heilmannilu taamani naalakkersuisunngortinneqarpoq. Partiillu liberaliusup sunniuteqarnerulerseqqinnissaa Aleqa Hammondimut maanna kingumut pisariaqalersimarpasippoq.

AAMMA ATUARUK Naalakkersuisooqatigiinni eqqissisaaneq

Aleqa Hammondilu ulloq taannarpiaq unnukkiartortoq nukingiussamik tusagassiortunik katersortitsigami, naalakkersuisunik allanngortitsisoqassugunartoq ilaatigut oqaatigaa.

Tamannalu Atassutip siulittaasortaavata nittartakkamut Sermitsiaq.AG-mut uppernarsarpaa.

- Atassutip iluani naalakkersuisoqatigiinnilu naalakkersuisoqatigiinnermik isumaqatigiissutip nutarterneqarnissaa isumaqatigiinniutigineqaleruttorpoq. Taamaammat Atassutip naalakkersuisuuffinnut tunngatillugu kissaatai oqaaseqarfigerusunngilakka, Knud Kristiansen Sermitsiaq.AG-mut taama oqarpoq.

AAMMA ATUARUK Aleqa Hammondip akisussaaffik tamaat tiguaa

Aleqa Hammondip tusagassiortunik katersortitsinermini aamma naalakkersuisoqarfimmik nutaamik pilersitserusulluni oqaatigaa, tassalu Nunanut allanut tunngasunut naalakkersuisoqarfimmik pilersitserusulluni. Tamannali tigussaanerusumik oqaaseqarfiginngilaa.

Naalakkersuisunik allannguinerit pingajussaat

Aamma atuaruk