Ilisimatooq: Siumumi avissaartuuttoqarpoq
Siumumilu siulittaasuusimasunit taperserneqarnerata, Kim Kielsenimillu akerlilerneqarnerata ersersippaa partiimi naalakkersuisuutitaqartumi akerleriinneq sualutsittoq.
Ilisimatusarfimmi oqaluttuarisaanermi adjunkti Jens Wendel-Hansen taama naliliivoq.
Nunanut allanut tunngasunut naalakkersuisoq marlunngornermi ullaakkut aviisimi Politikenimi kamaqaluni Danmark saassuppaa anneruniarnerarlugu, kingornalu naalakkersuisut siulittaasuata Kim Kielsenip nalunaarutigaa tamanna Naalakkersuisut politikkerinngikkaat, Danmarkimillu suleqateqarneq nersualaarlugu.
AAMMA ATUARUK Vittus svækker demokratiet med udtalelser
Tamatuma ersersippaa Siumup iluani aaqqiagiinngittoqartoq Kim Kielsenilu aaqqiissutissamik nassaartariaqartoq, Ilisimatusarfimmi adjunkti Jens Wendel-Hansen taama oqarpoq.
- Isumaqarpunga nunanut allanut tunngasunut ministeri taamaattoq Kim Kielsenip sivisuumik attassinnaanngikkaa, Kim Kielsenimummi taanna raketitut aqunneqarsinnaanngitsutut issaaq.
Vittus Qujaukitsormi Nalakkersuisunut Siumumilu ilaasortatut partii isumaqatigeqqaarnagu oqaaseqarpat, parti avissaartuuttutut nukilaatsutullu ersissaaq.
- Imaassimassaaq nammineq politikerisaq saqqummiukkusunneqarnerusoq, naalakkersuisut partiillu ataatsimoornissaanniit pingaartinneqarnerulluni.
AAMMA ATUARUK Vittus´ udtalelser er uovervejede
Siumumi siulittaasuusimasut Aleqa Hammondip Lars Emil Johansenillu facebookkikkut Vittus Qujaukitsumik tapersiinerisa partiimi avissaartuunneq annertusaraat, Wendel-Hansen oqarpoq.
Tamanna Siumumi partiip iluani aaqqiagiinnginnermik annertusaasutut paasivara.
Wedel-Hansen naapertorlugu siornatigut takuneqartarsimavoq akerleriinnerit sakkortuut eqqissisimasumik aaqqiivigineqartut.
- Akerleriinneq maanna sakkortoqaaq. Isumammi assigiinngitsuupput Kim Kielsenilu Naalakkersuisuini ilaasortaminut akerliliilluni oqaaseqarsimavoq, Wendel-Hansen oqarpoq.
AAMMA ATUARUK Vittus isumasioqatigiinnissamut aggersarneqarpoq
AAMMA ATUARUK Lars-Emilip Qujaukitsoq nersoraa
AAMMA ATUARUK Naalagaaffeqatigiinnit aninialersaanngilagut