Vittus isumasioqatigiinnissamut aggersarneqarpoq
- Pissusimasuunngilaq, immaqa tamakkuninnga sulianut malinnaanngikkaanni torrattutut isigineqarsinnaagaluarpoq, Ane Hansen oqarpoq, nassuiaallunilu:
-Pissutsit piviusut nunat assigiinngitsut akornani isumaqatigiinniartarnerit nalunagit qanoq ittuusartut, aammalu aaqqiagiigisitsinerit ukiorpassuarni aaqqinnaveeqqanerani kinguneqartartoq takoreernikuullugit, taamatut aallartinneq uanga pissusimasoortutut isiginngilara.
AAMMA ATUARUK Demokraatit Vittus tupaallaatigigaat
Nunnatta namminerisaminik tunngaviusumik inatsiseqalersinaaneranut periarfissanik misissuisussamik ataatsimiititarsualiortoqarnissaanik inatsisartunit akuersissuteqarput. Kisianni USA-miit naalagaaffeqatigiinniillu nigorternissaq Inatsisartut pilersaarutiginngilaat.
- Namminersulerusuppugut. Taanna qularnanngilaq, tassunga tunngasumik sulisariaqarpugut, akerarsarsiorata kisianni suleqatissarsiorluta, Ane Hansen oqarpoq.
AAMMA ATUARUK Danmarkip anneruniarnera aserorsaataalluinnarpoq
Vittus Qujaukitsup Trumpip tapersersornera nunattalu namminiilivinnissaanut USA-p aningaasalersuinissaanik neriuuteqarluni Inatsisartut naalakkersuisulluunniit oqaloqatigeqqaarnagit oqalunnera aamma tupaallaatigaa.
- Tamaasa, Kalaallit Nunaata, naalakkersuisut inatsisartulluunniit isummerfiginikuunngilaat Trumpip naalakkersuinikkut periuusissaata tapersersorneqassasoq, Ane Hansen oqarpoq.
Tamaammat Nunanut allanut tunngasunut naalakkersuisoq, Vittus Qujaukitsoq, qanorpiaq isumaqarnersoq paasiumallugu inatsisartut ataatsimiititaliaata tallimanngorpat aggeqquaa.
AAMMA ATUARUK Naalagaaffeqatigiinnit aninialersaanngilagut
Oqaatigineqartulli Vittus Qujaukitsumut kinguneqassanersut Ane Hansenip oqaaseqarfigiumanngilaa:
- Kissaatigisarput uaniippoq, torersumik oqaloqatigiinninneq ingerlassasut nunarput innarlunnaveersaarlugu.
