Kim Kielsen: Naalagaaffeqatigiinnit aninialersaanngilagut
Naalakkersuisut siulittaasuat Kim Kielsen tusagassiuutinut nalunaaruteqarluni Nunanut allanut tunngasunut Naalakkersuisup Vittus Qujaukitsup danskit avisiatigut poltikenikkut Danmarkimik isornartorsiunera qisuariarfigaaa.
- Naalakkersuisuni oqaluuserineqarnikuunanilu aalajangiunneqarnikuunngilaq danskit naalakkersuisuinik isumaqatigiinngissuteqarnermut illuatungiliissutissatut Naalagaaffeqatigiinnermit avissaarnissamik oqariartuuteqartoqarsinnaasoq. Aamma taamatut siunertalimmik eqqartuisoqalernissaa naatsorsuutiginngilara, Kim Kielsen tusagassiuutinut nalunaaruteqarluni taama allppoq.
AAMMA ATUARUK Vittusip isornartorsiuinera Christiansborgimi tupigusuutigigaat
Kim Kielsenilli erseqqissarpaa, Danmarkimik suleqateqarneq Kalaallit Nunaata ineriartorneranut pingartuummat.
- Isumaqarpunga illuatungeriit tamarmik iluaqutigisinnaasaat nunattalu ineriartorneranut iluaqutaasussaq anguniarlugu Naalakkersuisut danskillu naalakkersuisuisa suleqatigeeriasiat innarlernaveersaarlugu pitsaasumik inerisarniartariaqaripput, Aamma taamatorluinnaq nunat tamalaat akornanni suleqatigisartakkatsinnut attaveqarnerput innarlernaveersaarlugulu taakkununnga pitsaasumik attaveqarnerput atorluarniartariaqarparput.
AAMMA ATUARUK Naveersinikkut ataqqineqalertoqarsinnaanngilaq
Kim Kielsenip ilanngullugu erseqqissarpaa, isummat aviisimi allaaserisami ersersinneqartut, Naalakkersuisuni oqaluuserineqarsimanngimmata isummerfigineqarsimanatillu.
- Amerikamiut nunatsinniinnerisa atorunnaarsinneqarsinnaanerat Naalakkersuisuni oqaluuserineqarsimananilu aalajangiiffigineqarnikuunngilaq, Kim Kielsen allappoq
Ilanngullugulu Kim Kielsenip tikkuarpaa, naalagaaffeqatigiinni suleqatigiinneq piffissap ilaani ilungersunarsinnaasarmat.
AAMMA ATUARUK Isornartorsiuineq Kielsenimeerpat aatsaat ernumanissamut pissutissaqalissaanga
- Kisianni taamaattoqartaraluarpalluunniit aalajangiusimasariaqarparput naligiimmik ataqqeqatigiissumillu suleqatigiittoqarnissaa ujartugariuaannaripput, taavalu aamma ministerit Naalakkersuisullu akornanni ataatsimeeqatigiinnerini aaqqiagiinngissutaasinnaasut aaqqiissuteqarfiginiarneqartassasut, Naalakkersuisut siulittaasuat taama allappoq.
AAMMA ATUARUK Danmarkip anneruniarnera aserorsaataalluinnarpoq
Kim Kielsen apersorneqarnissaannut periarfissaqarsimanngilaq, Vittus Qujaukitsup oqaaseqaatai aamma Kim Kielsenip tusagassiuutinut nalunaarutai pillugit.
