Politikkikkut naliliisartoq: Oqaloqatigiinneq perorsimarpalaarnerusariaqarpoq
- Tamat oqartussaaqataaneranut taanna nangiarnartutut uanga nalilerpara, politikikkut naliliisartoq Sten Lund oqarpoq.
Vittus Qujaukitsup aviisimut Politikenimut sapaatip akunnerani matumani nalunaarutigaa amerikamiut Nunatsinni sermersuarmi sakkutooqarfigisimasaanni mingutsitsinerannut danskit saliinissamut akisussaajumanatik anneruniartut, tamannalu 'naalagaaffeqatigiinni atassuteqarnitsinnut aserorsaataalluinnartoq'.
AAMMA ATUARUK Danmarkip anneruniarnera aserorsaataalluinnarpoq
AAMMA ATUARUK Naalagaaffeqatigiinnit aninialersaanngilagut
Qujaukitsulli oqariartuutaa Naalakkersuisunit oqaluuserineqarnanilu akuerineqarsimanngitsoq, Naalakkersuisut siulittaasuat kingusinnerusukkut nalunaarutigaa. Taavalu aamma innuttaasuni Inatsisartunilu eqqartorneqarnikuunngimmat tamat oqartussaaqataaneranut arsaarinninnerusoq, politikkikkut naliliisartoq isumaqarpoq.
- Inuiaqatigiit iluanni oqallisigineqarsimanngitsut iluamillu piareerfigineqanngitsut, Naalakkersuisunit ataasiakkaanit taamatut suaarutiginnittarneq, tamat oqartussaaqataaneranut arsaarinninnertulluunniit nalilerneqarsinnaapput, Sten Lund oqarpoq.
AAMMA ATUARUK Vittus isumasioqatigiinnissamut aggersarneqarpoq
Namminiilivinnissarlu pitsaasumik anguneqassappat naalagaaffeqatigiinneq pillugu oqaloqatiginneriaaseq inersimasutut pissuseqarluni pisariaqartoq, naliliisartoq isumaqarpoq.
- Uagut Nunatsinninngaanniit niuerutissagut peqqissaartumik pisariaqarpagut, politikkikkullu oqartaqattaarnata una ajortumik iliormat taamaalilluta uagut tassanngaanniit avissaartariaqarpugut. Kisianni oqaloqatigiinneq perorsimarpalaartoq taanna kissaat akissaqarfigisutut ipparput maannakkut, politikkikkut naliliisartoq KNR-imut oqarpoq.