Atassut: Vittup oqaaserisai silatusaarnerunngillat
- Nunanut allanut naalakkersuisup qallunaat naalagaaffeqatiginerat, USA-llu Pituffimmi sakkutooqarfeqarnerat pillugu avammut oqaaserisai silatusaarnerunngillat. Atassutip pingaarluinnartutut isigaa, nunatta nammineeriartornerani aqqutit, silatusaartumik, suleqatigiilluarnikkullu aallutassaasut, Atassutip siulittaasua Knud Kristiansen tusagassiorfinnut nalunaaruteqarluni taama allappoq.
Aamma atuaruk Vittus: Nunatta aningaasatigut imminut napatilernissaanut Trumpip ikiorsinnaavaatigut
Silatusaarnerunngitsoq
Atassutip siulittaasuata aamma erseqqissaarpaa taamaatut "nunarput sinnerlugu" avammut taama oqariartorneq, silatusaarnerunaniluunniit periallaqqinnerunngilaq.
- Naalakkersuisut siulittaasuat sakkortuumik kaammattussavarput, piaartumik nalleriissaassutinik oqariartortariaqartoq, Knud Kristiansen oqarpoq.
Aamma atuaruk Vittus: Danmarkip anneruniarnera aserorsaataalluinnarpoq
Atassut isumaqarpoq Nunatta nammineeriartuaarnissamini avatitsinni nunat allat, pingaartumik nunat nukittuut USA-tut ittut annertuumik paaseqatigiiffiusumillu suleqatigilluinnarnissaat pisariaqartilluinnartussaagaa.
- Taamaattumillu oqarataarnerit maannakkorpiaq pisut nunatta isigineqarnera piinnarnarnagu, kisiannili siunissamut annertuumik pitsaanngitsumik inississinnaavaa, tamannali ukiuni makkunani pisariaqartinnaguluunniit, akissaqarfiginngilarput, Knud Kristiansen taama oqarpoq.
