ARAJUTSIVIGIT? Sapaatip akunnerani nutaarsiassat pingaarnerit
Sisimiuni ujajaasoqarsimaneranut atatillugu Qeqqata politiivisa angutit ujajaasimasut nassaarerusullugit innuttaasunit ikoqqupput. Ujajaasut taxartitsisartoq toqunniarlugu sioorasaarsimavaat 4.000 koruuninillu tilliffigisimallugu.
AAMMA ATUARUK Politiet søger vidner til groft overfald i Sisimiut
Greenland Ventures Hudson Resourcesimut millionerpassuarnik aningaasaliisimanera aningaasaliisartunit nunanit allaneersunit pitsaasutut maluginiarneqassasoq ataasinngormat KNR-imi oqaluttuaraarput.
AAMMA ATUARUK Aningaasaliineq nunanut allanut takutitsilluarneruvoq
Kommuneqarfik Sermersuumi borgmesterip nakkutilliisuutitanut misissuiffigeqquneqarnera ataasinngornermi nutaarsiassat annerit ilagaat.
Siumup kommunalbestyrelsimut ilaasortaatitaasa marluk Siorarsiorfimmut tunngatillugu borgmesterip misissuiffigineqarnissaa kissaatigaat. Siorarsiorfik partiinit tamanit taperserneqarnikuugaluartoq, maanna taamaakkunnaarpoq.
AAMMA ATUARUK Borgmesteri nakkutilliisunut unnerluutigineqartoq
Inuusuttut 15-24-nik ukiullik sakialluummik eqqugaakkajunnerunerat ernummatigineqartoq, merlunngormat oqaluttuaraarput.
AAMMA ATUARUK Inuusuttut sakialluummik eqqugaasut amerlanerusut
Taavalu nutaarsiassaq nuannernerusoq. Aalisarnerup iluani siuariartortoqarpoq. Aalisakkat tulaanneqartartut amerliartortut Naatsorsueqqissaartarfiup nalunaarutigaa.
AAMMA ATUARUK Aalisartut millionerpassuarnik iluanaaruteqartut
Politikkerit kommunini qineqqusaaraangamik nukippassuit atortarpaat. Taamaakkaluartoq kommuninut qinersinerni Inatsisartunut qinersinernut sanilliullugit qinersisut ikinnerusarput. Kommuninulli qinersineq innuttaasunut sunniuteqartartoq Asii Chemnitz Narupip (IA) Martha Lund Olsenillu (S) oqaatigaat.
AAMMA ATUARUK Kommunalpolitikki tamanik attuivoq
Pisortat suliffeqarfiutai kommuninut allanut nuunneqarnissaat kommunit kissaatigaat. Tamannali akisusinnaavoq. atorfiit 600-t nuunneqassappata milliardip affaanik akeqarsinnaasut BDO-naatsorsorsimagaa KNR pingasunngormat oqaluttuaraarput.
AAMMA ATUARUK Nuussuineq akisunerusinnaasoq
Kommunalbestyrelsinut ilaasortanngorniuunneq sukaruttortoq nunaqarfinni aqutsisut kommunal politikkimi sunniuteqaqataanerunissamik kissaateqarnerat oqaatigineqarpoq.
AAMMA ATUARUK Bygdebestyrelser kæmper med at få indflydelse
Suut tamaasali kommunimut tunnganngillat. Anders Stenbakken KNI-mi ussassaarinermut pisortanngulersoq sisamanngormat oqaluttuaraarput. Aggustip aallaqqaataani KNI-mi sulilissaaq.
AAMMA ATUARUK Visit Greenlandimi pisortaaneq KNI-mi pisortanngortoq
Angut kalaaleq, Birna Brjánsdótturimut toqutsisimasutut pasineqartoq, Islandimi pisortatigoortumik toqutsisutut pingasunngormat unnerluussaavoq.
Oqaluttuat pinerlunnermut tunngasut ajoraluartumik sisamanngormat initupput. Angut 34-nik ukiulik toqutseriarsimasutut killiligaanngitsumik pineqaatissinneqarsimasunut inissiisarfimmiittussanngorlugu pineqaatissinneqarsimanera sisamanngormat oqaluttuaraarput.
Oqaluttuarli pinerlunnermut tunngasoq kingulleq nuannernerulaarpoq. Innuttaasut marluk angummik atisanik nassataqarluni aqqusinikkut pisuttumik naammattuuisimapput. Atisallu tillitaaneranik pasitsakkamik angut uanitsissimavaat tillinniarsimaneranillu nassuertillugu. Kingorna tillinniaq politiinit tigusarineqarpoq.
AAMMA ATUARUK Tillinniaq innuttaasunit unitsinneqartoq
Aalisarnermut naalakkersuisoq SIK GE-lu aalasakkanik pisassiissutit pillugit sorsunnertik sapaatip akunnerani qaangiutilersumi nageqqippaat. Uanilu eqikkarneqarnera takuneqarsinaavoq.
AAMMA ATUARUK GE-p SIK-llu pisassiissutit sorsuutigigaat
Kommuninut qinersisoqareerpat Qaasuitsup Kommuniata avinneqarnissaa sulissutigineqalissaaq. Avinneqarpallu aningaasaqarnerat qanoq isikkoqalissanersoq uani takutipparput:
AAMMA ATUARUK Kommunep aningaasaqarnera imaassaaq
Qujanaq sapaatip akunnerani matumani allaaserisatsinnik atuartaravit
