Taxartitsisoq ujajaaffigineqartoq

Sisimiuni Qeeqip blok 11-illu eqqaanni biilit unittarfianni ataasinngornermi marsip ulluisa 27-anni ujajaasoqarsimasoq, Qeqqata politiivisa nalunaarutigaat.

Angutit marluk ujajaasut kiinarpaqarsimapput. Aappaa savissuarmik nerisassiornermi atorneqartartumik sakkoqarsimavoq.

Ujajaasut taxartitsisoq ornissamavaat, ilaasullu issiavigisartagaani saarlermiittumi matu ammarsimallugu. 

Ujajaasup aappaata taxartitsisoq sioorasaarsimavaa, aningaasivinnilu tunniunnianngippagu kapiniarlugu qaqerluerniarluguluunniit qunusaarsimallugu. 

Taxartitsisup aningaasivik 4.000 koruuninik imalik tunniuttariaqarsimagaa politiit ilisimatitsipput. 

Ujaarineqartut tassaapput:

Siulleq tassaavoq angut tuattoq 1.80 meterisut angitigisoq, taartunik atisaqarpoq, qernertumik kiinarpaqarlunilu qorsunnik aaqqatilik. 

Ujajaasup aappaa aamma angutaavoq - naliginnaasumik timeqarpoq 1.70 meterisut angitigaluni. 
Taartunik atisaqarpoq qernertumillu kiinarpaqarsimalluni. 

Ujajaasimasut Tuapannguit tunngaannut qimaasimasut politiit allapput. 

Ujajaanermi Qeeqip Tuapannguillu akornanni takunnissimasinnaasut pasissutissaateqarsinnaasulluunniit 
politiinut 70 13 22-imut attaveqaqquneqarput. 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat