Nuussuineq akisunerusinnaasoq
Namminersorlutik Oqartussat suliffiutaannik 600-nik Nuummiit illoqarfinnut allanut nuussuinissamik Siumumi borgmesterit kissaataat Naalakkersuisut piviusunngortissappassuk, milliardit affaannik akeqarsinnaavoq.
AAMMA ATUARUK Nussuineq milliardit affaannik akeqarsinnaavoq
Aningaasartuutilli amerlanerusinnaaqisut, suliffeqarfiup BDO-p, aningaasaqarnermut naalakkersuisoqarfimmit naatsorsueqquneqartup, siorna februaarimi nalunaarusiaani atuarneqarsinnaavoq.
Sanaartornermut, sulisussarsiornermut sungiusaanernullu aningaasartuutaasinnaasut naatsorsukkami ilaanngillat.
AAMMA ATUARUK Udflytning af uddannelser må ikke gå udover kvaliteten
Siunnersorteqarfiup aningaasartuutigineqarsinnaasunik mianersortunnguamik naatsorsuisimanini erseqqissaatigaa, naatsorsunngisaalu nuussuinermut aningaasartuutigineqarsinnaasunut "malunnaatilimmik sunniuteqarsinnaasut" oqaatigalugu.
Nunanilu allani suliffinnik nuussuinermi aningaasartuutit naatsorsorneqartunit amerlanerusimapput.
Danmarkimi, Norgemi Sverigemilu suliffinnik nuussuinerni misilittakkat assersuutigineqarput, suliffiullu ataatsip nuunneqartup naatsorsorneqartumit 100.000 koruunit missaannik akisunerusartoq, assersuutit takutippaat.
AAMMA ATUARUK Suliffinnik nuussuinani sumiiffinnik ineriartortitsisoqarli
Taakkunanilu sanaartornermut sulisoqarnermullu aningaasartuutit ilanngullugit kisinneqarput. Kisianni Nunatsinni atukkat nunat avannarlernit allaanerummata, BDO-p sanilliussinissaminik mianerinnippoq.
Angalanerni aningaasartuutit assigiinngitsuusut, BDO-p ilaatigut tikkuarpaa.
AAMMA ATUARUK Kommunalforsker: Udflytning kan få stor betydning for kommunerne