NUUMMIIT NUUNNEQ Roger Buch: Sulisut nuuppata kommunimut iluaqutaanerpaassaaq
- Kommunenut iluaqutaalluni sunniutissaa annertunerpaaq tassaassaaq sulisut nuuppata. Suliffik imaluunniit atorfik imminik soqutiginarpallaanngilaq. Soqutinartua uaniippoq suleqataasoq nuuppat kommunemullu akileraartarluni tassa taannaavoq kommunemut iluaqutaalluni sunniutissaa. Taama oqarpoq, Danmarkimi tusagassiortunngorniarfimmi ilisimatuut pisortaat Roger Buch, taanna Danmarkimi kommunini politikki pillugu ilisimatusartuuvoq.
Aamma atuaruk Nuutsitsinissamut siunnersuut itigartippaat
Taanna isumaqarpoq, suliffeqarfiit kommunenut allanut nuunneqarnerisigut kommunenut ataasikkaanut ajunngitsunik annertuumillu sunniuteqarsinnnaasut, suliffiit nuunneqarnerisigut sulisut nooqataanerisigut.
Tamannalu danmarkimi suliffiit nuunneqarmata ajornartorsitigineqarsimavoq.
Aamma atuaruk Kattuffiit qularinnittut
- Tamanna Danmarkimi pissutsinut assersuunneqarsinnaanngitsoq, Roger Buch oqarpoq.
Suliffiit ilaat Københavnemiittoq assersuutigalugu Sjællandip kitaanut imaluunniit Lollandimut nuunneqarpat, sulisut amerlanerit ilai, Københavnemi najugaqaannarusupput imaluunniit suliffiup nuuffigisaanut suliartortoqartarluni Københavnemullu utertarlutik tamannalu Kalaallit Nunaanni periarfissaanngilluinnnarpoq.
Aamma atuaruk Kviesgaard: Kingunerisassaanik naatsorsuinerit takunissaat qilanaarivagut
Roger Buchip isumakuluutigivallaanngilaa, suliffiit sinerissamut nuunneqarpata, kommunit imaluunniit Namminersorlutik Oqartussat sulisussanik pisariaqartinneqartunik amigaateqarnissaat.
- Sulisut amerlanerit qinigassinneqartussanngussapput, nuunnissartik imaluunniit suliffissaarunissartik toqqartariaqassallugu, taamaattumik ilai nuunnissartik toqqassagaat isumaqarpunga suliffisaaleqinermi orniginanngilaq, Roger Buch oqarpoq.
Danmarkimi kommunit inerartornerat Roger Buchip ukiorpassuarni malinnaaffigivai.
Aamma atuaruk Suliffinnik nuutsitsinissat qanoq akeqassanersut suli missingersorneqanngillat
Roger Buchip oqarnera naapertorlugu sulisut pisariaqartinneqartut pissarsiarineqarnerat Danmarkimi manna tikillugu ajornartorsiutigineqarsimanngilaq.
- Assersuutigalugu Danmarkimi kommuni ataatsip ungataa 150 imaluunniit 100 kilometerisut angitigisumik ammalortumik titarsiffigigaanni, taava nuna, kommunip sulisussarfigisisassaa, angisoorsuusarpoq, ilisimatooq oqarpoq.
Taannalu isumaqarpoq, nunatsinni kommunit aamma taamannakanneq periarfissaqarsinnaasut.
Aamma atuaruk Nakorsaaneqarfiup nuunneqarnissaa isumatusaarnerunngilaq
- Sulisut amerlasuut toqqaasariaqalissapput, nuussarnerlutik imaluunniit suliffissaarutissanerlutik, taamaattumik isumaqarpunga arlallit immaqa nuunnissartik toqqassagaat, Roger Buch oqarpoq.
Borgmesterit pingasut siunersuutaat isornartorsiorneqangaatsiarpoq, suliffiit nuunneqarpata qanoq akissanersut oqaluttuarinngimmatigit.
Ilisimatuup Roger Buchip naliliinera naapertorlugu, suliffiit nuunneqarnissaat akisuujussasoq qularutiginagu, uanili ataasiaannartumik aningaasartuutaanissat pineqartoq.
Aamma atuaruk Demokraatit: Siumup borgmesteriutitai pingasut akisussaassuseqanngitsuliorput
- Suliffiit nuunnerisa aallartisarneqanerat anigaasartuutaangaatsiassaaq, suliffiillu nuunneqareeriarpata ingerlanneqarnerisa akiat assigiinnassavaa, kommunit pillugit ilisimatooq Roger Buch oqarpoq.
Aamma atuaruk Borgmesterit: Atorfiit Nuummit nussornerisigut Nunarput naligiinnerulersinneqassaaq
Aamma atuaruk Suliffiit 600-t nuunneqarnissaannik siunnersuut
