NUUMMIIT NUUNNEQ Nuutsitsinissamut siunnersuut itigartippaat
Naalakkersuisut sulittaasuannit, Kim Kielsenimit, siulittaasullu tullianit siullermit, Randi Vestergaard Evaldsenimit, siulittaasullu tulliata aappaannit, Knud Kristiansenimit, aviisimi allaaserisaq atsiorneqarsimavoq. Taamaalillutik Naalakkersuisoqatigiit partiivi tamarmik tassalu Siumut, Demokraatit Atassullu sinnerlugit aviismi allaaserisaqarput.
- Kommune Kujallermi, Qaasuitsup Kommuniani kiisalu Qeqqata kommuniani borgmesterit suliffinnik pioreersunik nuutsitsinikkut ineriartortitsisoqarsinnaaneranik siunnersuutaanni, Namminersorlutik Oqartussat illoqarfiit pingaarnersaannik ineriartortitsinerannik tunngavilersorpaat, Naalakkersuisunut ilaasortat pingasut aviisimi taama allapput.
Aamma atuaruk Kattuffiit qularinnuttut
- Taamaassorinngilarput taamalu oqartoqarnera tunngavissaqarsorinngilarput.
Nunatsinni nunarsuup sinnerani periutsit naapertorlugit ineriartortitsisoqartoq, tamannalu politikerinit unitsinneqarsinaanngitsoq, naalakkersuisunut ilaasortat pingasut innersuussutigaat.
Taakkua innersuussutigaat, innuttaasut ilinniagarissaarnerulersimasut, ilinniagarissaanerullu kinguneranik nuttarnerit pinerulersut, nuttarnerulernikkullu najugaqarfiit annerit ornigarneqarnerulersut.
Aamma atuaruk Kviesgaard: Kingunerisassaanik naatsorsuinerit takunissaat qilanaarivagut
Taamaakkaluartoq naalakkersuisut borgmesterillu siunnersuutigineqartuni naaperiarfeqarput.
Borgmesterimmi siunnersuutigaat aaqqissuussaanermut iluarsaaqqinneq allarteqqinneqassasoq, suliat Namminersorlutik oqartussaniittut arlaqartut kommunenut nuunneqassasut siunnersuutigineqarluni. Taanna pillugu Naalakkersuisunut ilaasortat aviisimi allaaserisaanni ima allasimavoq:
Aamma atuaruk Suliffinnik nuutsitsinissamut siunnersuut Demokraatinit Atassummiillu akueriumaneqanngilaq
- Sullivinnik pioreersunik aningasartuutissat inuiaqatigiillu ataqatigiinnerat eqqarsaatigeqaarnagit nuunnissamit, suliat amerlanerusut kommunenut tunniunneqarnissaannik kommunenik qanimut suleqateqarneq Naalakkersuisunut qaninneruvoq.
Suliffiit nuunneqarnissaannut siunnersuut pillugu naalakkersuisut, taakkununnga ilanngullugu siulittaasoq, Kim Kielsen, pingasinngornermili KNR-imit oqaaseqartinniarneqaraluarput, tamannali iluatsissinnaasimanngilaq. Kim Kielsen napparsimasoq, allattaa KNR-imut ilisimatitsivoq.
Aamma atuaruk Borgmesterit nalunaarusiaat ilisimasaqarfigisimanngikkaat
Aamma atuaruk Suliffinnik nussuinissamik pilersaarutit Siumumit taperserneqartut
Aamma atuaruk GE: Suliffiit nuunneqarnissaat ineriartortitsiviussanngilaq