NUUMMIIT NUUNNEQ Kattuffiit qularinnittut
Aviisi Sermitsiaq ullumi saqqummersoq taama allaaserisaqarpoq.
Inuit 600-nit amerlanerusut pineqarnerat AK-p, Atorfillit Kattuffiat, ASG-llu, Kalaallit Nunaanni Ilinniagartuut Kattuffiat, erseqqissaatigaat. Taakkumi ilarpassui ilaquttatik nooqatigisariaqassavaat, tamannalu inissianik, ulluunerani paaqqinnittarfinnik aapparisallu suliffissaqarnissaannik pisariaqartitsissaaq.
Aamma atuaruk Kviesgaard: Kingunerisassaanik naatsorsuinerit takunissaat qilanaarivagut
Atorfillit Kattuffianni siulittaasup siunnersuutip piviusunngortinneqarsinnaanera qularaa.
- Nalunaarusiap imaata piviusunngortinnissaanut maanna piffissaanngitsoq isumaqarpunga, Dina Olsen Sermitsiamut oqarpoq.
- Atorfillit pineqartut ilaquttatik ilisarisimasatillu qimallugit nuukkusunnissaat nalorninartoqarpoq. Minnerunngitsumik Nuummi sunngiffimmi periarfissat Nuummilu najugaqarnermi pitsaaqutit, soorlu
naluttarfik, filmertarfik assigisaalu pissutigalugit, Dina Olsen oqarpoq.
Ilaasortami Nuummiit nuukkusunngikkunik suliffeeruteratarsinnaanerat AK-p siulittaasuata ernumassutigaa.
Aamma atuaruk Suliffinnik nuutsitsinissamut siunnersuut Demokraatinit Atassummiillu akueriumaneqanngilaq
Ilinniagaqartuut Kattuffianni siulittaasup isumassarsiaq piviusorsiortuunersoq oqaaseqarfigerusunngilaa, siunnersuummi nussortitsinissap qanoq akeqarnissaanik naatsorsuisoqarsimanngimmat.
Aamma atuaruk Suliffinnik nuutsitsinissat qanoq akeqassanersut suli missingersorneqanngillat
Aamma atuaruk GE: Suliffiit nuunneqarnissaat ineriartortitsiviussanngilaq
Aamma atuaruk Borgmesterit: Atorfiit Nuummit nussornerisigut Nunarput naligiinnerulersinneqassaaq