Nakorsaaneqarfiup nuunneqarnissaa isumatusaarnerunngilaq

Suliffiit Nuummiittut 600-t sinerissamut nuunneqarnissaannut kommunit kattuffianni KANUKOKA-mi ilaasortat sinneruttut pingasut siunnersuutaat ippassaq saqqummiunneqarput. Nakorsaaneqarfiup Uummannamut nuunneqarnissaa siunnersuutigineqartunut ilaavoq. Isumassarsiaq Nakorsat peqatigiiffianni iluarineqanngilaq

- Sulisussarsiorneq pineqartillugu iluatsissinnaanngitsutut isikkoqarpoq, Nakorsat peqatigiiffianni siulittaasoq Ole Lind oqarpoq. Atorfiit arfinillit kisimik pineqaraluartut, nakorsaaneqarfimmi sulisut Uummannamut nuussinnaanissat Ole Lindip qularutigilluinnarpaa.

Aamma atuaruk Borgmesterit: Atorfiit Nuummit nussornerisigut Nunarput naligiinnerulersinneqassaaq

- Nakorsatut atorfiit inuttalerniarnerat ajornakusooreersoq Oe Lind oqarpoq.

-Nakorsat avinngarusimasunut atorninitsinniarneqartarneri ajornartorsiutigisorujussuuarput.

Nakorsat peqatigiiffiata siulittaasuata erseqqissaatigaa, nakorsaanertut atorfik immikkut ilinniagaqartunit suliffigineqarsinnaammat. 

Aamma atuaruk Suliffiit 600-t nuunneqarnissaannik siunnersuut

-Eqqarsaatigineqartariaqarpoq  nakorsaanertut atorfik immikkut ittuummat, immikkut ilinnigaqarsimanissamik  piumasaqaatitaqartoq.  Nakorsat taamatut ilinniagaqartut pissarsiariuminaatsuupput, Ole Lind oqarpoq.

 Pilersaarutigineqartut piviusunngortinneqarpata Kalaallit Nunaanni Peqqinnisaqarfimmut tamarmut kinguneqarnissaa Nakorsat Peqatigiiffannit ernummatigineqarpoq.

-Ernummatiginerpaavara, atorfiit inuttalerneqarsinnaannginnissaat qaammataaluinnarniluunniit sulisussanik inuttalerneqarnissaat, Nunatsinni Peqqinnissaqarfimmi suliat ingerlaavarunnaarlutik.

Siunnersuutigineqartup  tamakkiisumik qanoq ittuunissaanik nakorsat peqatigiiffianni siulittaasumut apeqqutigineqarmat  taanna oqarpoq -  taamaatinneqassasoq !  Ole Lind oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat