Kommunalpolitikki tamanik attuivoq
![Asii Chemnitz Narup og Martha Lund Olsen underskriver aftale om børneråd Asii Chemnitz Narup og Martha Lund Olsen underskriver aftale om børneråd](/sites/default/files/styles/image_934x467/public/article_images/dsc_2466.jpg?itok=XUzZVOXT)
Kommunalpolitikerit allagartarsuit, quppersakkat, attaveqatigiittarfillu facebook atorlugit imminut nittarsaalluartaraluarlutik soqutiginnilersitsinerunissaq ilaatigut iluatsinngitsoorsinnaasarpaat.
Qinersisartunummi saqqumilluaraluartut kommuninut qinersinerit marluk kingulliit takutippaat qinersisartut quliugaangata sisamat qinersiartunngitsoortartut.
Taakkulu Inatsisartunut qinersinerniit ikinnerupput, tassanimi qinersisut quliugaangata arfineq-marluk qinersipput.
AAMMA ATUARUK Ikinnerusut kommuninut qinersisarput
Imaanngilarli kommunalpolitikki soqutiginaateqanngitsoq, Siumut sinnerlugu Kommuneqarfik Sermersuumi qineqqusaartoq, Martha Lund Olsen, isumaqarpoq.
Kommunalbestyrelsilu politikkimi sulinermi pingaaruteqarluinnartoq, Martha Lund Olsen oqarpoq:
- Kommunini piviusunngortitassat, Inatsisartut aalajangigaat, amerlasoorujussuupput.
AAMMA ATUARUK Martha Lund Olsen kommunimut qinigassanngortittoq
Kommuneqarfik Sermersuumilu borgmesteri, Inuit Ataqatigiinneersorlu, Asii Chemnitz Narup, naapertorlugu kommunalpolitikerit aalajangiussaat inuiaqatigiinnut sunniuteqarput:
- Suliagut pingaaruteqartorujorujussuupput. Meeraaqqaninngaanniit utoqqarsuarnut susassaqarpugut aamma aningaasaliiffigisartakkagut inunnut tamanut attuisuugamik.
AAMMA ATUARUK Ilisimaneqarluartut Sermersuumi qinigassanngortittut
Borgmesterillu neriuutigaa:
- Neriuppunga apriilip sisamaani, 2013-imut sanilliullugu, amerlanerusut qinersiartorumaartut, Asii Chemnitz Narup oqarpoq.
Martha Lund Olsenilu borgmesteritulli kaammattuuteqarpoq:
- Kommunit iluanni akisussaaffigineqartut sunniuteqarfigalugit qinersiartorina.
AAMMA ATUARUK Sermersuumi Borgmesteri IA-meersoq Demokraatinit tapersersorneqarpoq