Martha Lund Olsen kommunimut qinigassanngortittoq
Siornatigut naalakkersuisuusimasoq Martha Lund Olsen, kommuninut qinersinermut atatillugu Kommuneqarfik Sermersuumi qinigassanngortippoq.
Kommuninut ukioq manna qinersisoqarnissaanut atatillugu qineqqusaartut allattorsimaffii qimerlualaaraanni tamanna takuneqarsinnaavoq.
Martha Lund Olsen, Attaveqaqatigiinnernermut naalakkersuisutut, Naalakkersuisut siulittaasuannit Kim Kielsenimit ukioq manna januaarimi tunuartinneqarpoq, kommuninut qinersinissami sassarniarnera pissutaalluni tunuartitaalluni.
AAMMA ATUARUK Martha Lund Olsen Naalakkersuisuujunnaarpoq
Kommunimulli qinersinissamut sassarniarnerluni Martha Lund Olsenip kingorna nammineq taamanikkut oqaatigiumanngilaa.
Kommuninut apriilip ulluisa sisamaanni qinersinissamut atatillugu qinersinermi qineqqusaartunik nalunaarnissamut ulloq kingulleq ippassaq marlunngorneq februaarip ulluisa 21-at.
Naalakkersuisuusimasorlu Martha Lund Olsen apriilip ulluisa sisamaanni qinersinissamut atatillugu qineqqusaartunut ilaassaaq.
