Tikilluarit: Nittartakkakkut suliffissarsiortarfittaap isornartorsiorneqarnera amigartumik attaveqaqatigiinnermik tunngaveqartoq

Namminersortut unamillerneqarnissamik kisermaassinermillu aarleqquteqaruttortut, Tikilluarip suliffissanik nittarsaassisartuusortaaq, suliffissarsiortarfittaaq unammillertitut isiginngilaa – Naalakkersuisuniilli erseqqinnerusumik nalunaaruteqartoqarnissaanik ujartuisoqarpoq.

Allattoq Victoria Julie Schou

decembarip 04-at 2025 07:30

Nutserisoq Karla Heilmann

Naalakkersuisut nittartakkakkut suliffissarsiortarfittaavannut, pilersaarutit malillugit januaarip aallaqqaataani 2026-mi piareertussaq, ataatsimut isornartorsiorneqarpoq.

Namminersortuni soraarsitsiortornernik ilimasaarineq, tamat oqartussaaqataanerannut aarlerinartortaqarnera pisortallu kisermaassisinnaanerannut ernumanerit oqallinnerup sunnerneqaatigaa. Politikerit sulisussarsiornermi aamma suliffissanik nittarsaassinermi suliffeqarfiit namminersortut akornanni.

Tikilluarimmili kalaallisut suliffinnik nittarsaassivimmik neqerooruteqartuusoq, suleqatiminut ernumassutaat isumaqatiginngilaa. Suliffeqarfimmi suleqataasoq Daniel Rausner KNR-imut oqarpoq.

- Nittartakkakkut suliffissarsiortarfittaap uagutsinnut unammillertaanissaa naatsorsuutiginngilarput. Suliffissarsiortarfik ilinniartunuusoq Namminersorlutik Oqartussat oqaatigereerpaat, tamannalu tatigissallugu aalajangiupparput, taanna oqarpoq.

Amigartumik attaveqaqatigiittoqartoq

KNR-ip apersuinerani isornartorsiuinermut qisuariaatitut Naalakkersuisut siulittaasuata Jens-Frederik Nielsenip (D), ernummatissaqanngitsoq aamma oqaatigereerpaa. Suliffissarsiortarfimmi nittartakkakkut suliffissarsiortarfiit nalinginnaasut assiginngilai, kisianni suliffeqarfiit ilinniartussarsiortarfiattut suliffeqarfiillu ilinniartunut sunik suliffissaqartitsinersut ilinniartunit ujaasisarfiussalluni.

Nalunaarut siusinnerusukkut saqqummiunneqarsimasinnaasoq, Daniel Rausner isumaqarpoq.

- Namminersorlutik Oqartussat attaveqaqatigiinnerminni piareersimavallaarsimanngillat, takussaavallaanngikkuni imaluunniit erseqqippallaanngillat. Ilinniartunut atugassiaanera pillugu erseqqissaanerusinnaagaluarput. Taamaalilluni ernumanermik qisuariapiloornernullu maanna pisunut pinaveersaartitsissutaasinnaassagaluarpoq.

Nittartakkakkut suliffissarsiortarfittaaq qanoq imaqarnersoq ilisimanagu eqqissiviilliortoqarnera taassuma oqaatigaa. Tamannalu qisuariapiloornernut ilasaataavoq.

Nittartakkakkut suliffissarsiortarfik unammillertitut isigineqartillugu, ernumanermik unammillernermullu periarfissat assigiinnginnerinik pilersitsisoq, taassuma paasisinnaavaa. Naalakkersuisulli pisortat nittartakkakkut suliffissarsiortarfiutaatut nalinginnaasumit imartunerusoq, nassuiaatigereerpassuk aatsaat tatigineqarsinnaalissasoq, taanna isumaqarpoq.

Nittartakkakkut suliffissarsiortarfimmut suliami pisut

- Naalakkersuisut pisortat nittartakkakkut suliffissarsiortarfiutissaannik nutaamik naalakkersuisut suliffissarsiortarfigisimasaannut suli.gl-imut taarsiissutaasussamik ineriartortitsinissaq qangali kissaatigaat.

- Nittartakkakkut suliffissarsiortarfiup suliariumannittussarsiuunneqarnera ukioq manna februaarimi unippoq. Suliffeqarfiit “suliffissarsiorfissanik tamanik saqqummiussisoq” aamma “suliffissarsiortunut pingaartumik kalaallinut isumalluutinik atortunillu ikiuinermik neqerooruteqartoq” pilersinniarlugu suliariumannittuuniarsinnaapput. Tamanna paragraf 37-mut akissummi allassimavoq.

- Naalakkersuisut nittartakkakkut suliffissarsiorfiusinnaasutoqaq suli.gl 2025-mi maajip aallaqqaataani matuaa, Sermitsiap oqarnera naapertorlugu taanna suliffissanut saqqummiisarfimmit Jobindeximit pisiarineqarpoq. CV-t aamma suliffissat saqqummiussat tamarmik jobindex.gl-imut tamatuma kingorna nuutsinneqarput.

- Jobindex.gl-ili paragraf 37-mut akissut naapertorlugu utaqqiisaasumik aaqqiissutaaginnarpoq, naalakkersuisullu pisortat nittartakkakkut suliffissarsiortarfiannik nutaamik 2026-mi saqqummersitsinissaq pilersaarutaavoq.

- Nittartakkakkut suliffissarsiorfik nutaaq politikikkut qaammammi matumani pisoqartitsingaatsiarpoq. Aningaasaqarnermut Akileraartarnermullu ataatsimiititaliami isumasiuisoqarnerata kingorna Bentiaraq Ottosen (A) Isumaginninnermut, Suliffeqarnermut, Nunamut imminermut Avatangiisinullu Naalakkersuisutut tunuarpoq.

- Nittartakkakkummi suliffissarsiorfissap nutaap suliarineqarnera 4,9 millionit koruuninik aningaasaliinissap ataatsimiititaliamit akuerineqannginnerani aallartinneqarsimavoq.

- Nittartakkakkut suliffissarsiortarfittaassaq naalakkersuisut ineriartortinniarlugu pilersaarutigisaat tamatuma kingorna isornartorsiorneqalerpoq.

- Tusagassiorfiup Sermitsiap pisortaanerata, Masaana Egedep pisortat nittartakkakkut suliffissarsiorfiata Sermitsiap suliffissanik saqqummiussisarfiata isertitsisarfianut aarlerinartorsiortitsinera pissutigalugu soraarsitsiortortariaqarnissaq aarlerisaarutigaa.

Allisiguk

Suliffissarsiortarfiit akeqanngitsut niuernermik allanngortitsinavianngitsut

Suliffeqarfippassuit Naalakkersuisut nittartakkakkut suliffissarsiortarfitoqaannik suli.gl-imik ullumikkut jobindex.gl-iusumik atuivallaarsimanngitsut, Daniel Rausnerittaaq oqaatigaa.

Suliffeqarfippassuit suliffissaatiminnik saqqummiussiniartillutik allani saqqummiussinissartik ukiorpaalunni aalajangertareerpaat. Sooq nittartakkakkut suliffissarsiortarfittaap tamanna allannguuteqartissaneraa, taassuma takusinnaanngilaa.

- Taamani suli.gl sulilu piusoq jobindex.gl-itulli maanna ateqartoq, Sermitsiami nittartakkakkut suliffissarsiortarfittut anginerpaavoq, sulilu ullumikkut atorneqartarluni.

Taamaattumik suliffissarsiortarfik akeqanngitsoq nutaap qinnuteqartut sulisitsisulluunniit allannguiffigerujussuassagaat, taanna isumaqanngilartaaq. Suliffeqarfinnik misissuineq Tikilluarip maanna ingerlataata, qinnuteqartartut sulisartullu suliffitik pisortat suliffissarsiortarfiutaanni nassaarineq ajoraat takutippaa.

- Taamatulli suli.gl atornagu allani taamaaliortartut ersiuteqarpoq. Suliffeqarfinnummi qinnuteqartunut erseqqissumiinnissaq pineqarpoq. Suliffissarsiortut suli.gl atunngippassuk, suliffeqarfiit suliffissaatitik tassunga saqqummiunnissaannut qanoq naleqartigissanersoq apeqqutinngussaaq.

Suliffeqarfimmut isornartorsiuingaatsiartoqartoq – Tikilluarit eqqissisimavoq

Nittartakkakkut suliffissarsiortarfittaaq pillugu isornartorsiuineq Tusagassiorfik Sermitsiami aallartippoq, nittartakkakkut suliffissiortarfiutimini isertititat annaassagunikkit soraarsitsiortortoqarnissaa aarleqqutigaa.

Sulisussarsiornermut suliffinnillu nittarsaassinermut suliffeqarfiit namminersortut suliffissat.gl og Alfred Kalaallit Nunaat taamanili atortarpaat. Aammali Sulisitsisut, Siumut aamma Naleraq nittartakkakkut suliffissarsiortarfik pillugu apeqqusiipput, massa Tusagassiuinermi Sulisut Peqatigiiffiat, Transparency Greenland aamma Danske Medier ernummatit pillugit tapersersuisut.

Tikilluarimmili kinguneri aarlerineqanngillat, Daniel Rausner nassuiaavoq.

Akerlianillu suliffeqarfiit qinnuteqartussat sumiiffiinukarlutik sulisussarsiornermi nutaamik iliuuseqartalernissaminnut naleqqussangaatsiartariaqartut, taanna isumaqarpoq. Atorfinnik inuttassarsiorfiit akeqanngitsuinnarniunngitsoq

- Sulisussaaleqigaluttuinnarnerup, suliffeqarfiup taassuma tungaanut ineriartornera pissutaavoq. Taamaattumik suliffeqarfiit allatut nutaamik iliorlutik sulisussarsiortariaqartassapput, taanna oqarpoq nangillunilu:

Aamma atuarukSuliffissanut isertarfik pillugu kusanaatsuliortoqarnera naalakkersuisup tunuarneranik kinguneqartoq

- Suliffeqarfinnut suliffissanik nittarsaassinerminni qinnuteqartussat sumiiffiinut nuukkunikkit, qinnuteqartussat suli.gl-imut nuunnerininngaanniit ajornannginnerussaaq. Tamannaana pineqartoq.

Ineriartorneq taama ingerlaannassappat, suliffeqarfiit amerlanerujartuinnartut suliffissarsiortarfittaaq toqqassavaat, tamannalu Tikilluarimmi ernummatigineqanngilaq. Taarsiullugu niuerneq malillugu ingerlaqqinnissamut periarfissatut isigaat.

- Tikilluarimmi nittartakkakkut suliffissarsiortarfiup ineriartortinneqarnera pissangalluta malinnaaffigaarput. Paasineqarpalli suliffeqarfiit namminersortut pinnagit suli.gl toqqartarpassuk, taava atortorissaarutitsinnik sullissinitsinnillu ineriartortitsinissamut periarfissiiginnassaaq, taamaalilluta unammillersinnaallutalu soqutiginartuussaagut, Daniel Rausner nassuiaavoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.