Assi: Malik Brøns / KNR

Múte B. Egede takornarialerisunut: Staycation ikiorsiissutillu periarfissaraasi

Ulluni tallimani angerlarsimaannaqqusaaneq Kalaallit Nunaannut takornariarusuttoqarunnaarneranik kinguneqassasoq, Arctic Circle Businessimeersut isumaqarput.

Eqqissisimaannarit.

Naalakkersuisut siulittaasua, Muté B. Egede, takornarialerusunut naammagittaalliortunut taama oqariartuuteqarpoq. 

Kalaallit Nunaat Coronamut allattoqarfimmiit akuersissuteqaqqaanngikkaluarluni Naalakkersuisunit avataaneersunut ammaaneqaqqippoq. 

Matusineq ammaaqqinnerlu

30. december Kalaallit Nunaat avataaniitunut matuneqarpoq. 

Inuilli 600-t nunatsinnut sapaatit akunneranut tikissinnaapput – tikittulli tamarmik Coronamut allattoqarfimmiit akuerineqaqqaasapput. 

Maajilli pingajuani timmisartukkut angalasunut ammaaneqaqqippoq. 

Ilaasut 600-t, sapaatit akunneranut pingasoriarluni inuit 200-t ilaaffigisinnaasaanik timmisartuussinerni, nunatsinnukarsinnaalerput. 

Ilaasut 600-nik amerlassuseqassapput taakkuummatami pisortanit misissortissinnaanissamut periarfissallit. 

Tikittut tamarmik ulluni tallimani tikinnermiit  angerlarsimaannaqqusineq suli malissavaat, ullullu tallimassaani misissorteqqissallutik.

Ukiortaamili tamanna atuutilerpoq. Ammaaqqinnermili ulluni tallimani angerlarsimaannarnissamik maleruaqqussut suli atuuppoq. Tamannalu inuussutissarsiortut kattuffiani Arctic Circle Businessimi pisortaasup Jesper Schrøderip naammaginngilaa. 

- Ammaaqqinnissamut pilersaarutaagallartoq aningaasanik annaasaqaataassaaq, taanna oqarpoq.

Tamanna Karl Jørgen Enoksenimiit isumaqatigineqarpoq, taanna Sisimiuni takornarialerisuuvoq:

- Akunnattuungasoqarpoq. Pisiniarniarsarigaluarlutik takornariarnissamik. Ullunik tallimanik karantænertariaqarneq pissutaalluni akunnattuungasoqarpoq, pisinaveersaartoqarpoq. Taamaalilluni uagutsinnut annaasaqaataasussanngorluni, taanna KNR-imut oqarpoq. 

AAMMA ATUARUK Múte B. Egede: Inuit 75 procentii akiuussuserneqaqqaassapput

Ullunili tallimani angerlarsimaannaqqusaanermik maleruagassaq allanngortinneqassanngilaq. Taamaakkaluartoq takornarialerinermik ingerlataqartut ikiorsiissutissaqartut, Múte B. Egede oqarpoq.  

- Massakkut tassa atuuttut atuukkallarput aammalu aasaanerani feriarsinnaanermut nunatta iluani feriarsinnaanermik periarfissat siorna ittut periarfissaapput. Taamaammat atorluaqqunaqaat, taanna oqarpoq. 

Taamaakkaluartoq takornarialerisut naammagittaalliuutaat paasilluarsinnaavaa. Augustimmi septembarillu tungaanut naammagittartoqartariaqarpoq.

- Paasilluarsinnaavara inuussutissarsiortut inuussutissarsiutiminnut aallusserusulluarmata. Naalakkersuisut tassani paasinnilluarput. Kisiannili ammariartuaarneq massakkutut pilersaarutit aallaavigalugit aammalu illersorneqarsinnaasumik inuiaqatigiinni ingerlassappat, augustimi septembarimilu ammavissinnaaneq periarfissaalerumaartoq nalunaarutigivarput, taanna oqarpoq.

Amerlanerusut akiuussuserneqarsimalerpata aalajangerneqassaaq

Jesper Schrøder Arctic Circle Businessimeersoq isumassarsiaqarpoq. Sumiiffinni akiuussuserfiusimasuni maleruaqqusaasut qasukkaallatsinneqassasut. Kangerlussuarmimi akiuussusersuisoqareerpoq.

Tamanna atorsinnaanngitsoq, Múte B. Egede oqarpoq. 

- Massakkut taamaattoqarsinnaanngilaq, patsisigalugu nunatsinni akiuussutissamik kapitissimasut suli amerlassusaat killeqarmat aammalu akiuussutissamik kapitereersimasut imminut tunillatsinnissamut illersuummik peqalereeraluarlutik tuniluuttumik ingerlatitseqqiissinnaaneranik periarfissaq annertummat, Múte B. Egede oqarpoq.

AAMMA ATUARUK Håber på total genåbning til september – men mange flere skal vaccineres

- Nunatsinni akiuussutissamik kapitissimasut amerliartuinnarnera aallaavigalugu taassumap atorunnaariartornissaa ammaasivinnissarlu ikaarsaarfigiuartuartussaavoq.

- Pisariaqartitsineq allatut inississappat aammalu qanoq aaqqissuusoqassappat taanna Naalakkersuisut aamma susassaqartut kattuffiit peqatigalugit oqaloqatigiinnikkut ingerlanneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat