Upernaviup eqqaani ujaasineq
Upernaviup eqqaani sisamanngornermi kingullermi annertuumik ujaasisoqarpoq.
Allattoq Louise M. Kleemann
Angut 32-nik ukiulik Aappilattup tungaanut ingerlaartilluni tikinngitsoormat Upernavimmi politiit kalerrinneqarput, ujaasinerlu annertooq aallartinneqarluni.
Politiit oqarnerat naapertorlugu angut motooriminik unittoorsimavoq nunallu tungaanut tissukarsimalluni. Nunamut anngukkami angutip ilaquttani eqqissisarlugit sianerfigisimanngilai puiaasarlu nassatani ujaasisunit nassaarineqarnissami tungaanut imersimallugu.
Ujaasinermut aningaasartuutit angummut 32-nik ukiulimmut akiligassanngortinneqassanersut politiit suli isummerfiginngilaat.