Tusagassiuutit: Nasa qaammammi atomimik nukissiorfiliornialersaartoq

Amerikamiut avataarsualiartitsisarfiata Nasap 2030-ip tungaanut qaammammi atomimik nukissiorfiliussaaq.

Tamanna suliffeqarfiup iluani allagaatit amerikamiut tusagassiorfiata Politicop pigisaata ersersippaa. 

Nasami pisortaagallartoq USA-mi angallannermut ministeriusup Sean Duffyp pilersaarut sapaatip-akunnerata naajartornerani saqqummiunniaraa, tusagassiorfik allappoq.

Politico naapertorlugu, atomimik nukissiorfimmik 100 kilowattimik sakkortussusilimmik sanasoqarnissaanik, Nasamut suliffeqarfimmiit siunnersuummik aallernissamik aallarnisaaqqusissummik Duffy malitassamik atsiorniarpoq

Nasami atorfillip atersineqanngitsup oqarnera naapertorlugu, USA-p Kinamit siuarsimaneruneranik attassiinnarnissaamut atomimik nukissiorfik tapersiisuussaaq, soorlu USA qaammammi Marsimilu sulissuteqarnissamik angusaqarusuttoq. 

-  Avataarsuani sukkaniunnerup ilaani ajugaasinnaanissaq pineqarpoq, tusarfik oqarpoq.

Malitassaq naapertorlugu, USA-p Kina Ruslandiluataatsimut suliniuteqarlutik USA-mit siulliuniarneri USA-p ernummatigivaa. Nunat allat sukkanerusumik iliuuseqarpata USA kigaalaqusersussagaa takuneqarsinnaassaaq. 

Nasa suliffeqarfimmiit isumassarsianik ulluni 60-ini tulliuttuni aallissaaq, suliakkiumullu pisortassamik toqqaassasoq, malitassami allaqqavoq.

Politico naapertorlugu, malitassami allami Sean Duffy Nunarsuarmioqatigiit Silaannarsuarmi Uninngaviannik nutarterinissamut nukingisaariniarpoq, taamaalilluni 2030 sioqqullugu atulersinnaaniassammat. Pilersaarut naapertorlugu, Nasa qaammatit arfinillit iluanni isumaqatigiissutit siulliit isumaqatigiissuteqarfigissavaa.

Nasap aningaassaliisussatut pisussat USA-p naalakkersuisuisa Nasami sipaarniutissarujussuit pilersaarusiulerpatikkit piumaarput.

USA-p naalakkersuisui 2026-mut missingersuutitut siunnersuutiminni Nasamut aningaasaliissutaasussanit 25 procentit peerpaat, tassa Nasami sulisut inunnik 5000-inik ikileriartissanngussapput.

Missingersuut Kongressimiit akuerineqassappat, Politico naapertorlugu imaassaaq, 1960-ikkut aallartinneraniilli Nasa aningaasartuutissakinnerpaallunilu sulisukinnerpaalluni suliaqartariaqartussanngussasoq.
 

/ritzau/