Politiit ullormut nalunaarutaat: Angut toqungasoq umiatsiami tissukartumi nassaarineqartoq

Angut 50-it sinnerlugit ukiulik, tallimanngornerup arfininngornerullu unnuaani, unnuap qeqqata missaanni, umiatsiami tissukartumi nassaarineqarpoq.

Allattoq Nicole Sander Bertelsen

aggustip 04-at 2025 08:22

Nutserisoq Medea Olsen

Nuummi Kangerluarsunnguup eqqaani umiatsiaq tissukartoq tallimanngornermi unnukkut takuneqarpoq, nalunaaqutarlu 00.06 tamanna politiinut nalunaarutigineqarpoq, pigaartut ittuat Jørgen Madsen ataasinngornermi ullaakkut oqarpoq.

- Politiini angallaterput taakungartipparput, umiatsiamilu tissukartumi angut 50-it sinnerlugit ukiulik toqungasoq siumorneqarpoq, pigaartut ittuat oqarpoq.

Politiit suliaq maanna paasiniaaffigivaat pinerluttoqarsimaneranilli takussutissaqanngilaq, pigaartut ittuat erseqqissaavoq.

- Qanigisaasut kalerrinneqareerput, massakkullu politiit qanoq pisoqarsimaneranik paasiniaassapput, arlaatigulli pasinartoqanngilaq, Jørgen Madsen oqarpoq.

Ulloq unnuarlu nipaatsoq

Pigaartut ittuat ullormi unnuamilu pisut pillugit oqaatigisassaqarnani oqarpoq.

- Soorunami suliassaqartuaannarpugut, kisianni ullormi unnuamilu pisunit taasassaqqissunik immikkut ittunik soqanngilaq, Jørgen Madsen oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.