-Meeqqat oqariartuutaat tusaaneqanngillat Imigassat aalakoornartortallit ammaqqinnissaat pillugu akerliussutsimik takutitsinissaq
Sequnngerit. Takorlooruk juulliaqqami toqqissisimallutit, nuannaarlutit pilluarlutillu itertutit.
Nerriviup qaani imigassaqanngitsoq.
Kommune Kujallermi innuttaasut arlallit siunissaq takorluugartik piviusunngorumaartoq neriuutigaat. Taakku facebookikkut allakkami allapput.
Meeqqat inuusuttullu ataatsimeersuartut
Meeqqat Inuusuttullu Qaqortumi ulluni marlunni ataatsimeersuarneranni, meeqqat inuusuttullu imigassamik tuniniaanerup matunerata kingorna ulluinnarni inuunertik toqqissisimanarnerulersimasoq oqaluttuaraat.
Meeqqat kommunalbestyrelsimut isummersuutitik aamma saqqummiuppaat:
- Imigassap matuneqarnerata kingorna illoqarfik eqqisisimanerulerpoq aneernerusalerlutalu.
-Imigassaq ammaqqippat, ammarnissaanut allatutu aaqqiisoqarnissaa kissaatigivarput. Ammaqqippat killilersukkamik ammassasoq kissaatigivarput.