Transparency Greenland: Aleqa pissaanermik atornerluivoq
- Uatsinni erseqqittoq tassaavoq, taanna inissisimaffeqarmat, taamaalillunilu pissaanini atornerlummagu. Pissaanermik atornerluineq ilaquttanillu iluaqusersuineq atuukkunnarsissagutsigit, politikeritta allanut maligassiuisuunissaat pisariaqartipparput. Tassami taanna pissaanermik atornerluineruppat ilaquttanilu iluaqusersorniarpagit, taava allat aamma oqarsinnaalissapput: “Aamma uagut taamaaliorsinnaavugut”, Transparency Greenlandip siulittaasua, Anita Hoffer oqarpoq.
Kukkunersiuinermut Ataatsimiititaliap tusagassiutinut nalunaarutaani saqqummerpoq, Aleqa Hammondip Nunatta Karsiata aningaasaatai atorlugit ilaquttani timmisartumut bilitsisisimagai, akunnittarfimmi ilaquttaminut aningaasartuuteqarsimasoq, tassungalu ilanngullugu neriniartarfimmi minibarimilu aningaasartuutit akilerneqarsimallutik. Aammattaaq nammineq ilaqutariittut ullorsiornermi Hans Egedep illua atorsimavaa.
Nammineq pissarsinissaq siunertaralugu pissaanermik atornerluineq
- Uagut erloqinartutut isigaarput, pissutigalugu pissaanermik atornerluinerup qanoq paasineqarnissaa misissorutsigu, taava taanna isumaqarpoq, nammineq pissarsinissaq siunertaralugu pissaanermik atornerluineq. Taamaammallu una pisoq erloqinartutut isigaarput.
Pissaanermik atornerluinermik akiuiniaqatigiiffiup siulittaasua taama oqarpoq.
Kukkunersiuinermut ataatsimiititaliap siulittaasuata, Aleqa Hammondi Siumumi parteeqataata, Kristian Jeremiassenip, arfininngormat naqissuserpaa:
Naalakkersuisut siulittaasuata Namminersorlutik Oqartussat aningaasaataat namminerminut atormagit inatsisinik unioqqutitsinerusoq, naak aamma Aleqa Hammondip akiitsunik utertereersimagaluarpagilluunniit.
Anita Hofferillu taamaaliorneq pissaanermik atornerluinertut taavaa:
- Atugarissaarutissanik immikkuullarilluinnartunik imminut pissarsissummat pissusissamisuunngilaq. Taamaalilluni inissisimanini pissaaninilu atornerlukkaa, uagut isumaqarpugut, Anita Hoffer oqarpoq.
ALEQA HAMMONDIP ATORNERLUISIMANERA PILLUGU ALLAASERISAT
AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq
AAMMA ATUARUK Kuupik V. Kleist Inatsisartunit tunuarniuteqarpoq
AAMMA ATUARUK Naalakkersuisunik allannguinerit pingajussaat
AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat
AAMMA ATUARUK Immikkut ilisimasalik: Jeremiassen marlunngorpat aalajangiisuussaaq
AAMMA ATUARUK Krusep akiligassaqarsimaneq ”akueriumanngilaa”
AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa
AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa
AAMMA ATUARUK Inuit Ataqatigiit: Qinersisoqarli
AAMMA ATUARUK Naalakkersuisooqatigiinni eqqissisaaneq
AAMMA ATUARUK Aleqap angalatitsivik pisuutikkaa
AAMMA ATUARUK Aleqap Nunatta karsia atornerlukkaa
