Avannaata Kommunia: Timersortarfiit ulloq unnuarlu ammasalerput
Avannaata Kommuniani sunngiffimmi sammisassaqartitsinerulerniarlutik aalajangerput timersortarfiit ulloq unnuarlu ammatinneqartalissasut. Tamanna nittartakkaminni nalunaarutigivaat. Illoqarfiit pineqartut tassaapput Qaanaaq, Upernavik, Uummannaq aamma Ilulissat. Suliniutinik nutaanik aallartitsinermi aamma siunertaavoq pinaveersaartitsinerit meeqqanut inuusuttuaqqanullu sammiveqarnerusut siuarsarneqassasut.
- Timersortarfiit ulloq unnuarlu ammasarnerini timersornissamut pisariaqartitsinermilu sumiiffissaqarnissamut periarfissiissooq, piorsarsimassutsimut, atuartitaanermut, meeqqerivernermut Ingerlatsivimmi siulittaasoq, Paarnannguaq Mathiassen oqarpoq.
Timersortarfimmi periarfissarpassuit
Timersortarfiit ammasalernerinut atatillugu timigissartarfiit timersortarfiillu ammatinneqartalerput. Sulorartarfiit ikkunneqartarput arsallu aamma atorneqarsinnaassallutik. Kommuniminngaanniit neriuutigineqarpoq meeqqat inuusuttuaqqallu amerlanerusut inuunerissaarnissaat, kiisalu timersuutinut ataatsimoornernullu peqataasarnissaat.
- Kissaatigaarput meeqqat inuusuttullu amerlanerusut timersornissamut ataatsimoornissamullu periarfissaqalissasut. Aamma klubbinut ineriartornissamut angusarissaarnissamullu periarfissatsialaavoq, Paarnannguaq Mathiassen oqarpoq.
- Ilulissani timersortarfik ukiut aappassaat aasaanerani ammavoq. Kisianni aatsaavissuaq unnukkut ammasarnera illoqarfinnut tamanut atuuppoq.
Timersortarfinni toqqissisimanissaq anguniarlugu sulisut nalunaarusiornissaminnut pikkorissarneqassapput, taamaasillutik naatsorsuutaangitsunik pisoqaraangat isumaginnissinnaaniassammata.
