Inuusuttut ujaarineqartut nassaarineqarlutillu tigummigallarneqalersut

Inuusuttut marluk Sisimiuneersut ulluni kingullerni ujaarineqarput. Kalaallit Nunaanni Politiit nukappissat nassaarineqarlutillu tigummigallarneqartut tallimanngornermi ullaakkut paasissutissiissutigaat.

Allattoq Nicole Sander Bertelsen

juulip 18-at 2025 09:44

Nukappissat 17-inik ukiullit Kalaallit Nunaanni Politiinit pingasunngornermi ualikkulli ujaarineqalerput.

Nukappissat marluk politiinit sisamanngornermi ualikkut nassaarineqartut maannalu tigummigallarneqartut pigaartut pisortaata, Poul Kreutzmannip tallimanngornermi ullaakkut paasissutissiissutigaa.

Politiit nukappissanik marlunnik ujaasinerminni takunnittut taakkununnga nammineq attaveqaratik politiinut sianernissaannik kaammattuuteqarfigaat.

Nukappissat marluk sooq ujaarineqarnersut paasissutissiissutiginngilaat. 17-inilli ukiullit qanoq ilillutik qimaasinnaasimanerat maanna oqaluuserineqassasoq, Poul Kreutzmannip oqaatigaa.

Ujaarineqartut maanna politiinit tigummigallarneqaqqilersimanerat pissutigalugu innuttaasut toqqissisimalersinnaasut taassuma oqaatigaa.

Nukappissat sisamanngornermi ualikkut nalunaaqutaq 15.45 tigusarineqartut, Poul Kreutzmann oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.