Mittarfiup tunuanit: Mittarfimmi pisortaq kukkuneq, ilinniarneq siunissarlu pillugit
- Iluatsilluartumik ingerlava? Naamik taama isumaqanngilanga.
Greenland Airportsip pisortaa, Jens Lauridsen taama oqarpoq. Taassuma KNR Nuummi mittarfimmut takornariartinniarlugu nunanullu tamalaanut mittarfiup 2024-mi novembarip 28-anili ammarnermi kingorna aallartinniapiloornera sakkortooq oqaluuseriniarlugu sisamanngormat qaaqquaa.
- Siuleriiaartorpassuit allallu pisimasut tulluusimaarutiginngilakka. Angalasunut kiffartuussinerup pitsaassusaata allaanerusinnaanera takorloorsinnaavara, taanna oqarpoq.
Angalasussallu ilaannut kiffartuussinerup qaffasissusaa pitsaavallaanngilaq. Akunnerni arlalinni siuleriiaarnermit matut namminneerlutik ammartartut piffissaanngitsukkut ammartarnerannut – kiisalu nassatat tammaaneqartut ulluni arlalinni utaqqineqartarnerannut. Naatsumik oqaatigalugu pakatsinangaatsiarput.
Pisortalli pisut namminneq tungiminnit nassuiaatiginiarpai – mittarfimmimi aalajangiinerit avataani siuleriiaartut isumaannut nikingasinnaasarput.
Nakkutilliinermi ajornartorsiutit
Angalaarnerput nakkutilliinermi aallartippoq. Ullaap tungaajuvoq, KNR-imiit pisortallu saniatigut angalasussat ikittuinnaapput. Taamaammat mikrofonip, unngersap allallu karsimut ikinissaanut illuatungaanilu unngersalersoqqinnissamut minutsialuinnaat atorpagut.
Taamaattuaannanngilarli. Angalasussat akunnerpassuarni siuleriiaattuniinnerat KNR-imit siusinnerusukkut nassuiaatigaarput. Tamanna angalasussarpassuaqarneranik, imaluunniit nakkutilliiffiup matoqqaneranik – ilaatigullu tamarmik ataatsikkoornerannik pissuteqartarpoq.
- Siusinnerusumik sulilersitsisimassagaluarlutalu atortorissaarutit qanoq pisariutiginerat inunnillu ilinniartitsinerup qanoq sivisutiginera ilisimasimassagaluarparput, Jens Lauridsen nassuerpoq.
Pisortap oqarnera naapertorlugu nunatsinni suliffeqarfinni arlalinni sulisussanik taakkuninnga pisariaqartitsisoqarneranik ilaatigut pissuteqarpoq. Nakkutilliisunik atorfinitsitsiniarneq akuersissuteqarniarnerlu allaffissornikkut suliassarujussuullunilu tamanna qaammatit pingasut tikillugit sivisussuseqarsinnaavoq.
Mittarfiullu nutaap atulerneratigut atortorissaarutit nutaat ajornakusoornerusullu aamma atulerneqarput, taakkulu ilinniaqqaarneqassallutik. Nuummi mittarfimmi sulisut ullumikkut 100-t missaanniipput – pisoqqamilu sulisut 25-naanikuullutik. Nakkutilliinermut immikkoortortamiinnaq sulisut 40-t missaanniipput. Sulisut maanna 30-upput. Ikiuiartortoqangajalerporli.
- Sulisut nutaat aqqanillit ikiuunnissaminnut piariingajalerput, Jens Lauridsen oqarpoq.
Naalli sulisussaaleqisoqaraluartoq kiffartuussinerullu qaffasissusaa ilungersunaraluartoq aqqutit nutaat suliassallu amerlanerusut mittarfimmi suli annertusaatigineqarput – pingaarnersiuineq tamanna angalasussanut ingerlatsinermi kingunerluuteqarfiusunut tamanna paasiuminaassinnaavoq.
Timmisartukkut aqqutit nutaat marluk
Nuummi nunanut tamalaanut mittarfiup aqqutit nutaat marluk juunimi ammarpai: tassa SAS-imik Københavnip Nuullu akornanni aqqut kiisalu nunatta USA-llu akornanni aqqut.
- Taakku ukiut ataaseq matuma siorna isumaqatigiissutigineqarput. Sulisussanik atorfinitsitsinissamut anguniagaqarnerput nalaatatsinnit allaaneruvoq, Jens Lauridsen oqarpoq.
Anguniagaq taanna ersarissumik qaffasippallaarsimavoq. Jens Lauridsenimulli anguniagaqarnermut tamanna kisimi tunngassuteqanngilaq, akisussaaffimmulli aamma tunngalluni:
- Aappaattut nunat tamalaat akornanni mittarfik nutaaq suliffeqarfiit arlallit pilerisaavigineqarnissaannik siunertaqarpoq. Angallattoqarnerulernissaa suliassatta ilagaat.
Angalattoqarnerulerneratigullu isornartorsiuineq aamma annertunerulerpoq. Jens Lauridsenillu terminalimi nikeriarneq ajuleqqalluni suli tikittoqarneranik takusaqaraanni annertusaanerit paasiuminaassinnaanerat nassuerutigaa.
- Angalasut taama ilungersuuteqarnitsinni timmisartukkut aqqutinik sooq suli annertusaanerput paasiuminaatsissinnaagaat nassuerutigissavara. Tamanna paasisinnaalluarpara.
Ilikkariartorneq aamma misilittakkat pillugu atuagaq
- Qupperneqaannanngilagut, kisianni misilittakkat pillugit atuagaqarpugut, taakkulu Ilulissani Qaqortumilu mittarfinnik ammaagutta soorunami atussavagut, Jens Lauridsen oqarpoq.
Atuagaq mittarfiup ammanerani tassa qaammatit arfineq-pingasut missaata ingerlaneranni allanneqarpoq, taannalu angalasut nalaataat aallaaviginerullugit allanneqarluni.
Misilittakkallu pissutigalugu anguniakkat siusinnerusumi – tamatumuuna iliuuseqarfigineqassapput – ilaatigut mittarfinnut nutaanut piffissaqarluartumik sulisussarsiorneq.
Ingerlatsisussamik nakkutilliivinnilu aqutsisussanik atorfinitsitsisoqareerpoq, taakku Nuummi sungiusarput, taamaalillutik matut ammarnissaannut piareersimassallutik.
Naalli pisortap mittarfiit nutaat namminneq unammillissutissaqartussaassagaluartut nassuerutigigaluarlugu tamatumuuna piareersimanerussalluni misigisimavoq.
Ilulissani mittarfik aappaagu ukiakkut ammartussaavoq, Ilulissaniittulli ammannginnerani Qaqortumiittoq ammaqqaassaaq.
Tamannali pinnginnerani Jens Lauridsen naalakkersuisunut immikkut ittumik ataatsimiigiaqqaassaaq. Suna oqaluuserineqassanersoq taassuma eqqoriarusunngilaa. KNR-illi tamanna mittarfiit pillugit naammagisimaarinninnermut tunngammat tamanna politikikkut maanna akuliuffigineqalersoq nalunngilaa. Naalakkersuisut akissutissarserusupput.
