Ullormut nalunaarutit: Upalungaarsimasut dieselimik uuliakoortoqarneranik ulapputtut

Upernaviup Avannaani Nuussuarmi dieseli 8.000 literi kuussimasoq, Kalaallit Nunaanni Politiit pigaartuisa pisortaat Poul Kreutzmann oqarpoq.

- Susoqarsimanersoq taamaammat massakkut misissorparput. Upernavimmeersut tassannga misissuiartorput, taanna oqarpoq.

Taanna pisoq pillugu oqaaseqarpallaanngilaq, uuliakoornerilli allat marluk aamma oqaluttuaralugit.

Nuummi uuliakoornerit marluk

Nuummi umiarsualivitoqqami ikummatissamik angisuumik nalunaaqutaq 12.24 kuuttoqarpoq, aamma Nuummi amutsiviup ungasinngisaani 15.15 kuuttoqarpoq.

- Umiarsualivitoqqami uuliakoorneq annertungaatsiarpoq, taannalu umiarsualivimmi siaruaassimalluni.

- Umiarsuup orsersorneqarnerani tamanna pisoq taamaallaat oqaatigisinnaavara, taanna oqarpoq.

Pisut taarmik avatangiisit pillugit inatsimmik unioqqutitsinertut suliassanngussangatikkini taanna oqarpoq, qanorli uuliakoortoqarsimatiginersoq dieseliluunniit tamaat immamiit qaqinneqarsimanersoq oqaluttuanngilaq.

Uuliakoorut 30 literimit annerusoq

Nuummi umiarsualivitoqqami angallatip orsersornerani uuliakoortoqarsimaneranik kalerinneqarsimallutik, Nuummi qatserisartuni iliuuseqarnermi siuttoq, Jens Mikkelsen oqaluttuarpoq. 

Nalunaaqqaarnermi uuliakoorut 30 literip missaaniissasoq nalunaarutigineqaqqaaraluarpoq. 

-Kisianni tanunga apuullunga takusinnaavara 30 liiteri qaangerujussuarsimassagaa, taamaattumik ingerlaannaq suleqatikka aggissasut kalerrippakka. Taakkualu diesilimut milluaammik nassarlutik takkupput, siaariarlugulu milluaatilerlugu. 

Jens Mikkelsenip naliliisinnaanera naapertorlugu umiarsualivitoqqami uuliakoorut 100 literit missaaniissasoq missiliorpaa ualeruli erseqqinnerusumik nalunaarsinnaassallutik naatsorsuutigalugu.