Sukap naalakkersuisoqarfiani pisortaaninngortoqarpoq
Allaaserisaq Tusagassiinermut tunngasuni aalajangiisartunit isornartorsiorneqarpoq.
Kommune Kujallermi aningaasaqarnermut pisortaq pisortaanerugallartorlu Kenneth Høegh piffissami qaninnermi pisortaaninngussasoq, naalakkersuisoqarfik tusagassiuutinut nalunaaruteqarpoq.
Nunanut allanut tunngasunut pisortaasimasup, Kai Holst Andersenip nunanut allanut tunngasunut pisortaqarfik upernaaq manna qimammaguli paarlatsissaanik nassaarniarneq ajornaassimanngilaq.
AAMMA ATUARUK Naalakkersuisoqarfimmi pisortaq atorfimminit soraartoq
Atorfik maajimi siullermik inuttassarsiuunneqarpoq.
Nunanut allanut naalakkersuisoqarfik namminiilivinnermut nunalerinermullu naalakkersuisoqarfik ataatsimoortinneqarmata aappassaanik inuttassarsiuunneqarpoq.
AAMMA ATUARUK Kai Holstimut suli taarsiisussarsisoqanngitsoq
Naalakkersuisut siulittaasuata naalakkersuisoqarfiata oktobarimi nalunaarutigaa nunanut allanut tunngasunut naalakkersuisoqarfik pisortassamik aappassaanik inuttassarsiuussimmat qinnuteqartut naleqqussinnaasut ikippallaarmata atorfik inuttassarsiuuteqqinneqassasoq.
Naalakkersuisoqarfimmi pisortaanertut atorfimmut maanna qinnuteqartut arfineq marluusimapput.
AAMMA ATUARUK Sukap naalakkersuisoqarfianut pisortassasut qinnuteqartut naleqqutinngitsut
- Kenneth Høegh suliffigisarsimasani nunanilu allani sulisarsimanermigut suliassat akisussaaffigiligassani pisortaaffigisassanilu ilisimalluarlugillu misilittagaqarfigai, naalakkersuisoqarfik allappoq.
