Naalakkersuisoqarfimmi pisortaq atorfimminit soraartoq
Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortaq Ólafur P. Nielsen atorfimminit soraarpoq.
Olafur Nielsen, naalakkersuisuusimasorlu Knud Kristiansen
Allattoq Anton Gundersen Lihn
novembarip 03-at 2016 06:13
Nutserisoq Simon Uldum -
Naalakkersuisut Siulittaasuata Naalakkersuisoqarfia tusagassiorfinnut nalunaaruteqarluni taama ilisimatitsivoq.
Pisortap soraarneranut suna pissutaanersoq oqaatigineqanngilaq. Naalakkersuisut Siulittaasuata Naalakkersuisoqarfia tusagassiorfinnut nalunaarummi allappoq illuatungeriit akunnerminni isumaqatigiissutigalugu pisussaaffilertut pisortaasimasup suliunnaarneranut tunngatillugu isumaqatigiissummut tunngasunik isumaqatigiissutillu imarisai pillugit tamanut ammasumik oqaaseqartoqassanngitsoq.
Tusagassiorfinnut nalunaarut naggaserlugu Ólafur P. Nielsenip naalakkersuisoqarfimmi pisortatut sulisimaneranut Namminersorlutik Oqartussat qujassuteqarfigaat.
