Siumumi aporaannerit imaaginnavipput
Kim Kielsen Siumup 2014-imi ataatsimeersuarnerani siulittaasutut toqqarneqarmat nuannattoqarpoq.
Ukiulli aappaa avillugu kingullermi pisut arlallit partiimut nuannaarutaanngillat. Siumumimi avissaartuuttoqarnera arlaleriarluni erserpoq.
Vittus Qujaukitsup Danmarki pillugu kiisalu namminiilivinnissamut eqqarsaatersuutigineqartut pillugit isornartorsiuimmat Kim Kielsen Qujakitsoq tapersernagu oqariartuuteqarnikuuvoq. Tamanna decembarimi pivoq. Lars-Emil Johansenilli Siumukkormiut allat assigalugit Qujaukitsoq taperserpaat.
Martha Lund Olsen naalakkersuisutut januaarimi tunuartitaariasaarpoq.
- Paasitinneqarpunga tusagassiortunik katersortitsisoqassasoq Kimilu aalajangersimasoq naalakkersuisuujunnaassasunga, Lund Olsen oqarnikuuvoq.
AAMMA ATUARUK Naalagaaffeqatigiinnit aninialersaanngilagut
Lars-Emil Johansenillu partiimi siulittaasuata aqutsinera Sermitsiami marsimi apersorneqarnermini isornartorsiorpaa.
- Siuttoq isumaqatiginngikkaanni isummanik annitsisoqartussaanngitsutut isumaqartoqalernissaa killiffiginngisaannassagipput neriuppunga.
Kim Kielsen tamatumunnga ima akissuteqarpoq:
- Oqarsinnaasaraluarpugut Siumut iluani kikkut tamaasa inissaqartippagut aamma oqariartuutit assortuunnerit pisinnaasarput. Kisianni aamma killeqarpoq. Amerlanerussuteqartut aalajangigaat ataqqillugu ingerlasariaqarpugut.
Vittus Qujaukitsorlu ataasinngormat tunuarpoq, naalakkersuisut siulittaasuallu isumaqatigiinnginnerannik tamanna pissutaatinnerarlugu.
- Oqartussaaffinnik taamatut arsaarneqarnissaq pissutissaqarsorinngilara. Taamaattumik nalilersuinera aallavigalugu imminut isigisinnaassaguma isumqarpunga pitsaanerusoq atisakka tigullugit ingerlaguma.
AAMMA ATUARUK Martha Lund Olsen oqarasuaatikkut naalakkersuisuujunnaarpoq
Partiilli qullersaaniinnaanngitsoq ammasumik assortuuttoqarpoq.
Siumut Qaasuitsup kujasissortaani eqimattanut marlunnut aveqqavoq, Enok Sandgreen Nikolaj Jeremiassenilu Siumumut ilaasortanut sinnerinut avissaaqqallutik.
- Taamatut pisoqarsinnaanera tupassutigivara. Unnuaannakkut sulisoqarsimanera pissutigalugu peqataasinnaananga aalajangerpunga.
AAMMA ATUARUK Lars-Emili avissaartuutsitsivoq
Aamma Kommuneqarfik Sermersuup illoqarfiit pingaarnersaannut pilersaarusiarsua pillugu Siumumi aaqqiagiinngittoqarneranik ersertitsivoq.
Tassalu Kim Kielsenip suliniummut Siumup kommunalbestyrelsimut ilaasortaatitaasa akuersissuteqarfigeriigaannut isornartorsiuivoq
AAMMA ATUARUK Vittus akerliugami naalakkersuisuujunnaartoq
Vittus Qujaukitsup Siumumut siulittaasunngornissamut sassarnissani isumaliutersuutigalugu ippassaq ataasinngornermi oqaatigaa
AAMMA ATUARUK Man kan ikke være delvis medlem af Siumut
AAMMA ATUARUK Kielsenip Asii parteeqatinilu isornartorsiorai
AAMMA ATUARUK Kielsenimut isornartorsiuisut tulleriiaattut