Kielsen: Ilaannakortumik Siumuusoqarsinnaanngilaq
Enok Sandgreen aamma Nikolaj Jeremiassen Siumumiiginnassapput. Qaasuitsup kujasissuani Ikaarsaariarnermi atatsimiititaliami siulittaasussarsiorneq tukattoq qaangiussimalersoq, Siulittaasussatut imminut suaarutigigaluartoq, taama oqarpoq.
- Tassami uagut taakkunani atsioqataanikuunngilagut, taamaattumik taakkunani peqataasutut misigisimanngilagut, aamma peqataatinneqannginnatta. Taamaammat Siumutut soorunami ingerlaarpugut, Aasianni Siumup siulittaasua, Enok Sandgreen IA-p Siumullu Qaasuitsup kujasissortaa pillugu isumaqatigiissutaat pillugu oqarpoq.
AAMMA ATUARUK Qaasuitsup kujasissortaani ikinnerussuteqartut terleqqunneqarsoripput
Qaasuitsup kujasissortaani kommunalbestyrelsemut qinersereernermi, IA-p Siumullu amerlaqatigiinnik ilaasortaatitaqalerneranik inerneqartumi, Ikaarsaariarnermi ataatsimiititaliami siulittaasussarsiorneq tukattoq, Enok Sandgreenip siulittaasunngortussanngorneranik inerneqaraluarpoq.
Enok Sandgreen Nikolaj Jeremiassenilu, tamarmik Siumumeersut, Atassummik isumaqatigiissuteqartuupput.
Kisianni Siumumi ilaasortat allat aalassallutik IA-mik isumaqatiginninniarput, IA-meersuup, taaguunneqarnerpaap, Ane Hansenip, siulittasunngortussanngorneranik kinguneqartumik.
AAMMA ATUARUK Enok Sandgreen borgmesterinngussaaq
AAMMA ATUARUK Ane Hansen borgmesterinngortussanngortoq
Enok Sandgreen Nikolaj Jeremiassenilu, tamarmik Siumumeersut, isumaqatigiissuteqartut avataanni sulinissartik aalajangiuppaat.
- Naamik, tunniutiinnanngilagut. Namminneq isumaqatigiissutit ingerlassuaat, uanga taakkua avataanni kommunalbestyrelsimi sulissuunga, Enok Sandgreen oqarpoq, nangillunilu:
- Siumup siulittaasua pisut nalaanni oqaloqatigisareerpara, aamma taanna nammineerluni aqqutissatut periarfissatullu tikkuarnikuuaa.
AAMMA ATUARUK Atassut Qaasuitsoq Kujallermi salloqittarneqartutut misigisimavoq
AAMMA ATUARUK Siumup gruppia ilisimatinneqarsimanngitsoq
Siumumup siulittaasuata Kim Kielsenip, oqaloqatiginnissimanini Qanoruumut marlunngornermi uppernarsarpaa, erseqqissaatigaali, Enok Sandgreen partiimi ilaasortaassaguni tamakkiisumik ilaasortaasariaqartoq, taamaanngippallu ilaasortaasinnaanngitsoq.
- Marloqiusamik, tassami ilaannakortumik, Siumuusoqarsinnaanngilaq. Tassa Siumuussooq imaluunniit naamik. Taamak naatsigisumik oqaatigigaanni pitsaaneruvoq, Naalakkersuisut siulittaasuat, Siumumullu siulittaasoq, Kim Kielsen, oqarpoq.
