Torben M. Andersen: Qularnerup aningaasaliisartut peqataajumajunnaarsissinnaavai
Mittarfiit qanoq takitigissappat, Kangerlussuaq sussava Danmarkilu aningaasaliisussarsioqataassava? Inatsisartuni politikerit 31-t apeqqutit isumaqatigiissutigisassaat tamakkuupput.
Partii Naleqqap Nuummi Ilulissanilu mittarfiliassat pilersaarutigineqartutut 2200 meteriunatik 1200 meterinik takissuseqarunik kingunissaat upernaaq ataatsimiinnermi misissorneqaqquaa.
AAMMA ATUARUK Partii Naleqqap mittarfiit takissusissaannut periarfissat allat misissortikkusukkai
Mittarfinnut pilersaarutit suliarineqarlutillu akuerineqarnissaat pillugu Naalakkersuisut aasaanerani immikkut ataatsimiittoqarnissaa siunnersuutigigaluarpaat.
Taamaattoqanngilarli, sanaartortussarsiornissarlu aningaasaliisussarsiornissarlu kinguartinneqarput.
AAMMA ATUARUK Aningaasaliisussarsiornermik tamarmik unitsikkallarneqartut
Taamalu qularneq aningaasaliisinnaassussat takorusutaannik kingulliusoq, Torben M. Andersenip aviisimut nassuiaatigaa.
- Mittarfinnut tunngatillugu pilersaarutit inatsisartut ataatsimiinneranni arlaqartuni oqallisigineqaqattaaginnaraangata qularnermillu pilersitsisoqaqattaaginnaraangat peqataaniartut akuujunnaarnissaat aarlerinarsisarpoq. Aalajangiissut politikerinit attatiinnarneqassasoq aningaasaliisartut kissaatigaat.
AAMMA ATUARUK Borgmesterit pingasut mittarfinnut pilersaarutinut nangaasoqarneranik isornartorsiuisut
Nuummi mittarfiup takissusissaata nalornissutigineqarnera pissutigalugu sanaartornissamut neqeroortitsinissaq kinguartinneqarpoq tamannalu pissutigalugu mittarfiup naammassinissaa ukiumik ataatsimik kinguarsinnaasoq, Kalaallit Airportsip juunimi nalunaarutigaa. Ilulissani, Nuummi Qaqortumilu mittarfiit politikerinit tamanit isumaqatigiissutigineqarsinnaappata taakku 3,6 milliardit koruuneqarnissaat naatsorsuutigineqarpoq.
Pilersaarut malillugu mittarfinnut pilersaarutit Aningaasaqarnermut akileraartarnermullu ataatsimiititaliamit suliarineqalertinnagit ukiaru ataatsimiinnermi aappassaaneerneqarlutillu pingajussaarneqaqqaassapput.
AAMMA ATUARUK Løkke mittarfiit pillugit itigartitsisinnaatitaasoq
AAMMA ATUARUK Danskit mittarfinnut aningaasaliinissaanut periarfissat Kielsenip Løkkellu misissorniarpaat