Partii Naleqqap mittarfiit takissusissaannut periarfissat allat misissortikkusukkai
Mittarfiit nutaat pillugit inatsisissap sapaatit akunnneri tallimat qaangiuppata aappassaaneerlugulu pingajussaaneerneqarnissaa Siumup kissaatigaa, Partii Naleqqalli mittarfiit takissusissaat allanngortinneqarpata tamanna qanoq sunniuteqassanersoq misissortikkusuppaa.
Nuummi, Ilulissani Qaqortumilu mittarfinnik nutaanik sanaartornissaq pillugu inatsisissap siullermeerneqarneranut atatillugu Partii Naleqqap oqaaseqartartuata saqqummiussaani ima allassimasoqarpoq:
- 2015-imi naalakkersuisoqatigiissimasut aalajangiinerminni toqqammavigisaat aallaavigissagaanni taamaallaat 2200 miiterisut takitigisut uani aalajangiffiigisassami pineqarput, uanili pineqaratik mittarfiit naannerusut imminullu akilersinnaanerusut. Tamannalu toqqammavigalugu Partii Naleraq isumaqarpoq pineqartup isummerfiginnginnerani ataatsimiititalianut marluusunut susassaqartunut
misissortissallugu mittarfiit tamarmik 1199 miiterit inuiaqatigiinnut qanoq aningaasatigut kingunerisinnaasanik artukkiinnginnerusinnaasut ujartoqqaarneqassannginnersut, Partii Naleqqap oqaaseqartartuata saqqummiussaani taama allassimasoqarpoq.
AAMMA ATUARUK Kinamiut mittarfinnik suliaqartinneqarnissaanik USA mianersoqqusivoq
Taamaammat mittarfiit nutaat sanaartornissaannut inatsimmut toqqammaviulluinnartut allanngortinneqarnissaat partiip ammaffigaa, tamannalu ataatsimiititaliap suliaqartussap ulappinerunissaanik kinguneqassaaq.
AAMMA ATUARUK Mittarfissat nukinngullugit juulimi suliarineqassasut
