Kinamiut mittarfinnik suliaqartinneqarnissaanik USA mianersoqqusivoq
Danskit Illersornissamut ministeriata amerikamiullu illersornissamut ministeriata tallimanngormat ataatsimiinneranni Kinamiut Kalaallit Nunaanni mittarfiliornissanut sanaartortuusinnannerat ernummatigalugu oqaatigaat.
Soorunami Kinamiut Kalaallit Nunaanni aningaasaliinissaat amerikamiut eqqumaffigisorujussuuaat.
Uagut aamma eqqumaffigisorujussuuarput, tassami sillimaniarnermut tunngatillugu aarlerinartoqarsinnaammat, danskit illersornissamut ministeriat Claus Hjort Frederiksen amerikamiut illersornissamut ministeriannik Jim Mattisimik Pentagonimi ataatsimeeqateqareerluni taama oqarpoq.
AAMMA ATUARUK Danskit partiivisa arlaqartut kinamiut suliarinninniarnerat ernumanartoqartikkaat
Ulloq taanna Lars Løkke Rasmussen Folketingimi ernumanerarmat Kalaallit Nunaat pillugu oqaloqatigiinneq pivoq, tassani Kinamiut
suliffeqarferujussuat Kalaallit Nunaanni mittarfiit suliarineqarnissaannut neqerooruteqarsimammat.
Lars Løkke ernumavoq aamma amerikamiut illersornissamut ministeriat Jim Mattis taamaappoq, taannami isumaqarpoq kinamiut suliffeqarfissui nunatsinni mittarfiliulerpata kinamiut sakkutuuvi najuussinnaanerat ernummatigineqarmat.
- Matissip taama oqarnerannut pissutaavoq, Kinamiut kinap kujataani imartami annertuunik ingerlataqarmata.
- Qeqertaliat kinap kujataaniittut illersornissamut tunngassuteqannginerarlugit Kinamiut oqarnikuupput.
.Kisianni timmisartut ungasissumut ingerlaartartut qaartartunik usisartut qeqertalianut taakkunnga sapaatit akunneri pingasut matuma siorna aallartinneqarput, neriorsuutigisatik unioqqutillugit, Claus Hjort Frederiksen oqarpoq.
- Sumiiffinnilu allani aamma taamaliortoqarsinnaanera naatsorsuutigineqarsinnaavoq, soorlu Kalaallit Nunanni, danskit illersornissamut ministeriat Claus Hjort Frederiksen taama oqarpoq.
AAMMA ATUARUK Qeqqata Kommuniata talittarfiit mittarfillu piginneqatigiiffiliorlutik tigorusuppai
AAMMA ATUARUK Kinamik suleqateqarnissaq Hammondip Larsenillu taperseraat