Kukkunersiuisarfik: Angalanermut malittarisassat siulittaasup unioqqutippai
Malittarisassani erseqqissumik allassimavoq angalaneq sioqqullugu akiligassat akilerneqassasut. Naalakkersuisut siulittaasuat ukioq ataaseq qaangiutereermat angalanermut akiligassaq aatsaat akilerpaa.
Angalanermut malittarisassassani erseqqissumik allassimavoq, angalanermi angalaqatigisap billetsia angalaneq sioqqullugu akilerneqassasoq, taamaakkaluartoq Naalakkersuisut siulittaasuata akiligassaq ukioq ataaseq qaangiutereersoq aatsaat akilerpaa.
Suliffeqarfiup kukkunersiuinermik suliaqartup arlaannaannulluunniit attuumassuteqanngitsup allassimasaa Inatsisartut Kukkunersiuinermut ataatsimiititaaliaannut nassiussaa KNR-imit pissarsiarineqarpoq.
Tassanilu qularutigineqarsinnaanngilaq: Angalaqatigisap bilitsissaa landskarsimit akilerneqarallassappat, angalaneq sioqqullugu akilerneqassaaq.
Tassani erseqqissumik allassimavoq sulinermut attuumassuteqanngitsumik angalaqataanermi tamanna akilerneqassaaq angalaneq sioqqullugu. Tamannarpiarlu unioqqutinneqarsimavoq.
Tamanna atuarneqarsinnaavoq allakkiami allanit takoqqusaanngitsumi suliffeqarfiup kukkunersiuinermik suliaqartup nassiussimasaa, allakkiarlu taanna KNR-imit pissarsiarineqartumi.
Allakkami tassani uppernarsarneqarpoq, Naalakkersuisut siulittaasuat landskarsimut 100.000 kr-nik akiitsoqartoq piffissami maajimi 2013-mit maajimut 2014-mut.
Kukkunersiuisarfiup allakkami erseqqissarpaa, malittarisassat atuuttut aamma nalinginnaasumik ingerlatsinermut malittarisassat unioqqutinneqartut, " sulinerup avataani aningaasartuutit Namminersorlutik Oqartussat aningaasaataannik atuisoqassanngitsoq "
" Akiligassat akilerneqarsimanerannik takussutissaq tiguarput" kukkunersiuisarfik taama allappoq. Allagaq ullulerneqarpoq septemberip ulluisa aappaanni 2014.
AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq
AAMMA ATUARUK Kuupik V. Kleist Inatsisartunit tunuarniuteqarpoq
AAMMA ATUARUK Naalakkersuisunik allannguinerit pingajussaat
AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat
AAMMA ATUARUK Immikkut ilisimasalik: Jeremiassen marlunngorpat aalajangiisuussaaq
AAMMA ATUARUK Krusep akiligassaqarsimaneq ”akueriumanngilaa”
AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa
AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa
AAMMA ATUARUK Inuit Ataqatigiit: Qinersisoqarli
AAMMA ATUARUK Naalakkersuisooqatigiinni eqqissisaaneq
AAMMA ATUARUK Aleqap angalatitsivik pisuutikkaa
AAMMA ATUARUK Aleqap Nunatta karsia atornerlukkaa
