Assi: Inatsisartut

Adjunkt: Demokraatit pissaaneqartorujussuanngorput

Naalakkersuisut ikinnerussuteqarput. Demokraatit tapertatut inissisimagaluartut, Naalakkersuisut siunnersuuteqartillutik tamakkiisumik taperserneqarnissartik qulakkiivissinnaanngilaat.

Taamaammat Demokraatit pissaaneqartorujussuusut, Ilisimatusarfimmi inuiaqatigiilerinermi adjunkti Rasmus Leander Nielsen oqarpoq.

- Kim Kielsen Naalakkersuisullumi sinnerisa isumaqatiginninniartigatik amerlanerussuteqarnerlutik qulakkeeqqaartariaqartassavaat. Tassalu siunnersuutigineqartut ilumut amerlanerussusiissussat peqataanersut takoqqaartassavaat. Demokraatit taamaalillutik siunniuteqartorujussuusussaassapput, Rasmus Leander Nielsen oqarpoq.

Naalakkersuisut siunnersuutitik Inatsisartunut saqqummiutsinnagit Demokraatinut takuteqqaartassagaat Demokraatit Naalakkersuisoqatigiillu isumaqatigiissusiornikuupput, Demokraatit siulittaasuat Niels Thomsen KNR-imut oqarpoq.

AAMMA ATUARUK Koalition og Demokraterne laver skriftlig aftale om lufthavne

AAMMA ATUARUK Demokraatit uuliasiortitsinissaq isornartorsioqqikkaat

Taamaanneranilu Demokraatit pissaaneqartorujussuusut Ilisimatusarfimmi adjunkti oqarpoq.

- Demokraatit naaggaarsinnaatitaanertik politikkikkut suliani annertuuni periarfissaraat. Demokraatillumi periarfissatik atorluarunikkit pissaaneqartorujussuussapput, Rasmus Leander Nielsen oqarpoq, pissaaneqarniuutilertoqassagaluarpallu Demokraatit tapertaanertik taamaatissinnaagaat naqissuserlugu.

Demokraatit siulittaasuata nunatsinni politikkimi sunniuteqartorujussuanngorsimanertik ilisimaarilluarpaa. Naalakkersuisummi siunnersuusiaat isumaqatiginngikkunikkit itigartissinnaavaat.

- Tassani naalakkersuisut marlussunnik periarfissaqartassapput. Soorunalimi partiit allat tapertaliullugit amerlanerussusiinissaq periarfissarisarumaarpaat. Imaluunniit uagut siunnersuutigisassuarput qanoq allanngortinneqarpat tapersersorsinnaassanerlugu taava Naalakkersuisut taanna akuerisinnaassagunikku Inatsisartuni sammineqarluni akuerineqartarumaarluni, Demokraatit siulittaasuat Niels Thomsen oqarpoq.

AAMMA ATUARUK Demokraatit naalakkersuisooqatigiinnissamut itigartitsipput Kielsenili tapersersorlugu

AAMMA ATUARUK Demokraatit oqaasii imminut assortuupput

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl