Toqqorsivimmit assiAssi: Niels Thomsen

Demokraatit uuliasiortitsinissaq isornartorsioqqikkaat

Naalakkersuisut uuliasiornissamut 48 millionit koruuninik immikkoortitsiniarnerat Demokraatinit isornartorsiorneqaqqippoq.

- Isumaqarpugut aningaasaliilussinnarnerussasoq, Demokraatit aningaasanut inatsisissatut siunnersuutip siullermeerneqarnerani oqaaseqaatiminni allapput.

AAMMA ATUARUK Uuliasiornissamut aningaasaliissuteqarneq isumassarsiatsialaanngilaq

Demokraatit naalakkersuisoqatigiinnut inatsisartuni maanna ikorfartuisuugamik akerliliisarnissaasa Naalakkersuisunit eqqumaffigineqartorujussuunissaat naatsorsuutigineqartariaqarpoq.

Taamaammat Naalakkersuisut uuliasiornissamut aningaasaliinissamik kissaataat piviusunngunngitsooratarsinnaavoq.

AAMMA ATUARUK Nakorsassaaleqineq erngertumik aaqqiivigineqarsinnaanngilaq

AAMMA ATUARUK Danmarkimi ussassaarinerit sulisussarsiornerillu aqqutissaanngillat

Peqqinnissaqarfimmi, maanna sulisussaaleqiffiusumi, allannguisoqarnissaa Demokraatit aamma kissaatigaat. Demokraatillu matumani pisortanik atorfinitsitsisoqannginnerutinniarpaa:

- Napparsimmavinni peqqissaasunik atorfinitsitsisariaqarpugut, Peqqissutsimut Naalakkersuisoqarfimmi immikkoortortani pisortanik atorfinitsitsiortorata, Demokraatit allapput.

Demokraatit mittarfinnut pilersaarutinut aningaasaqarnikkut ineriartortitsilersinnaasutut nalilikkaminni tamakkiisumik tapersiisut, partiip siulittaasuata Niels Thomsenip oqaaseqarnermini qasseeriarluni uterpaa.

AAMMA ATUARUK Naalakkersuisooqatigiilersut Demokraatillu mittarfiit pillugit atsioqatigiissuteqartut

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl