Canadami qineqqusaarnermi naggueqativut avaqqutaarneqartut

Canadap oqaluttuarisaanerani qineqqusaarneq sivisunerpaaq sapaatit akunneri pingasut qaangiuppata naasussaavoq. Qineqqusaarneq aasaq tamaat pisimavoq, sammisallu assigiingitsorpassuusimallutik.
septembarip 24-at 2015 08:31
Nutserisoq Elisa Isaksen

Nunalli inoqqaavi, naggueqatigiit Inuit, indianerillu sammineqarsimanngillat.

USA-p præsidentiata Obamap Alaskamiissimaneratut pinnani, Canadami ministeriuneq Harper indianerit naggueqatigiillu Inuit nunaannut tikeraarsimanngisaannarpoq.

AAMMA ATUARUK Canadami qinersisoqartussanngorpoq

Aamma naggueqatigiit Inuit inuussutissaaleqisarnerminni ikioqqusaraluartut, Harper iliuuseqarsimanngilaq. Canadami partiini annerni marlunni siuttuusut ikiuiumallutik neriorsuipput. Qinigaagunik indiaanerit naggueqatigiillu Inuit arnartaat tammarsimasut toqutaasimasullu qassiunersut paasiniarlugu, nuna tamakkerlugu misissuiniarput.

Iliuuseqarniaraluarpummi, kisianni tamakkua naammangitsut, nunap inoqqaavi, qinersinermut atatillugu namminerminnut tapersersuisunik qinigassanngortitsisimasut, isumaqarput. 

AAMMA ATUARUK Canadami ministeriunerup qinersineq suaarutigaa pissaanerlu nammineq tiguniarlugu