Ukrainep nukissiornermut attaveqaasersuutaanut saassussinerit annertuut Zelenskyjip nalunaarutigai

Ukrainemi sumiiffiit arlallit sarfaarupput. Zelenskyj naapertorlugu ukiunnginnerani, nukissiornerup kiassarnerullu pisariaqartinneqarnerisa annertusiartorfianni, Ruslandip saassussinini sakkortusiartortippai.

Allattoq Ritzau

oktobarip 10-at 2025 07:10

Nutserisoq Tabetha Kreutzmann

Tallimanngornermi Ukrainep nukissiornermut tunngasunik ingerlatsiviinik Ruslandip saassussinermini dronet 450-it rakettillu 30-t sinnerlugit atorpai.

Ukrainemi præsidenti Volodymyr Zelenskyj taama oqarpoq, nunallu immikkoortuini qulingiluani sarfaaruttoqarsimaneranik nalunaaruteqarluni.

Illoqarfiit pingaarnersaata Kyivip ilaa aamma eqqugaasoq, Nutaarsiassaqartitsivik Reuters allappoq.

Saassussinerit issilinnginnerani Ukrainep nukissiornermut tunngasunik ingerlatsiviinik eqquiniarnerusut, Zelenskyj oqarpoq.

- Ruslandip ukiunnginnerani saassussineri ingammik sakkutuujunngitsunut nukissiornermullu tunngasunut attaveqaasersuutinut saassussinerupput, Zelenskyj X-imut allappoq.

- Ataatsimoorluta inuit peqqarniisaarnissamut illersorsinnaavavut. Nalunaaruteqarnerit timitalerneqanngitsut atorfissaqartinneqanngillat, iliuutsilli timitaliinertallit pisariaqartinneqarput - USA-mit, Europamit G7-imillu - silaannakkut illersornissamut atortunik pilersuinermut pillaatinillu atuutsitsinermut tunngatillugu.

Sisamanngornerup unnuaani russit drone-nik saassussinerisa kingunerisaanik Kievip qeqqani illorsuaq ikuallappoq.

Dronet aserornikut sumiiffinni arlalinni nassaarineqartut, oqartussaasut nalunaarput.

/ritzau/

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.