Canadami ministeriunerup qinersineq suaarutigaa pissaanerlu nammineq tiguniarlugu
Aningaasarsiornikkut ajornartorsiorneq qineqqusaarnermi sapaatit akunnerini tulliuttuni aqqanilinni pingaarnertut sammineqarnissaa naatsorsuutigineqarpoq.
Canadami ministeriunerup Stephen Harerip inatsisartut atorunnaarsippai qinersinissarlu oktoberip ulluisa 19-anni pisussatut nalunaarutigalugu.
Canadami inatsisartut atorunnaarsinneqaneratigut qinersineq sapaatit akunnerinik aqqanilinnik sivisutigisussaq nalunarutigineqarpoq. Canadami konservatiivit partiivisa siulittaasuat ministeriunertut sisamassaanik qinigaanissani anguniarpaa, nutaarsiassaqartitsiviit Reuters aamma AFP taama allaaserisaqarput.
Ministeriuneq Harper 2006-mili ministeriunertut qinigaavoq, qinersinissarlu suaarutigineqarpoq Canadami generaguvernøri David Johston Canadami naalagaaffiup qullersaa tuluillu dronningiata Elizabethip sinniisua ataatsimeeqatigineqareermat.
Qinersinissami pingaarnertut oqaluuserineqartussaq Harperip oqarnera naapertorlugu taasaavoq Canadami aningaasarsiorneq aamma isumannaallisaaneq taakkua tamanut sunniuteqarmata, Harper oqarpoq.
