Qimaasut amerliartuinnarneri ukiut qulingiluassaaraat, FN nalunaarusiaani allassimavoq. Ullumikkut 2011-misulli qimaasut marloriaatinngorsimapput, kisitsisit 40 millionit ataatilaarlugit qimaasoqarluni.Assi: Baz Ratner/Reuters/Ritzau Scanpix

2020-mi coronamik tuniluuffiuvoq aammali qimaasorpassuaqarpoq

Coronamik tuniluuffiugaluartoq FN-ip ukiumoortumik nalunaarusiaani aatsaat taama amerlatigisunik qimaasoqarnera atuarneqarsinnaavoq.

Naak ukioq 2020 nunarsuaq tamakkerlugu coronap tuniluunnerani sorparsuartigut ilungersunartorsiorfiugaluartoq, inuit sorsuttuniit, nakuusertuniit malersuisuniillu qimaasut amerleriarput.

Naalagaaffiit Peqatigiit qimaasunut suliniaqatigiiffiat, UNHCR, nalunaarsukkat kingulliit tunngavigalugit taama ilisimatitsivoq.

2020-mimi inuit 82,4 millionit qimaasutut nalunaarsorneqarput.

Qimaasut aatsaat taama amerlatigaat, ukiup siuliani 2019-imi qimaasut amerlanersaagaluarput taamani 79,5 millionit qimaammata.

AAMMA ATUARUK Naalagaaffiit Peqatigiit qullersaata etiopiamiut 350.000-t kaannersuarmik eqqugaaneraraat

Naalagaaffiit peqatigiit nalunaarsuisarneri aallaavigalugit ukiuni kingullerni qulingiluani qimaasut amerliartuinnavipput.

Naalagaaffiit peqatigiit nalunaarsuinerat naapertorlugu nunarsuarmi innuttaasut 1 procentii qimaasuupput. 2011-mi qimaasut ullumikkumut sanilliutissagaanni ullumikkut marloriaataapput, taamanimi qimaasut 40 millioniupput.

Qimaasut akornanni nukappiaqqat niviarsiaqqallu 18-it inorlugit ukullit 42 procentiupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat