Naalagaaffiit Peqatigiit qullersaata etiopiamiut 350.000-t kaannersuarmik eqqugaaneraraat

Etiopiami nunap immikkoortuani Tigrayimi sorsuttoqarpoq, inuillu 350.000-nit amerlanerusut kaannersuaqarneranik eqqorneqarput, millionilikkuutaallu allat aamma eqqorneqariaannaapput.

Naalagaaffiit Peqatigiit ikiuiniaqatigiiffiilu inerniliinermi taama naliliipput, Etiopiamilu ukiuni qulini kingullerni nerisassaqarniarnikkut aatsaat taama ajornartorsiortoqartigineranik taallugu.

Nunap immikkoortuani Tigrayimi innuttaasut 5,5 milllionit akornanni amerlanersaat nerisassassaaleqisut nalunaarusiami allaaserineqarpoq.

Tigrayip namminersulernissaanut ilungersuutiginnittut TPFL-imeersut Etiopiamilu oqartussat akornanni siorna novembarimi sakkuaattoqalerpoq.

Etiopiap sanilerisaanit Eritreamit sakkutuut sorsunnermut maanna aamma ilanngupput, Etiopiami oqartussat tassani tapersersorlugit.

Sakkutuujunngitsut tuusintilikkuutaat sakkuaannerni toqutaasimapput, inuillu 2 millioninit amerlanerusut nunap immikkoortuanit qaqqartooqisumit qimaasariaqarsimallutik.