PITUFFIK Akisussaaffiit ersarinnerulernissaat suliniutigineqalereerpoq
Naalakkersuisut Siulittaasoqarfiani pisortaq Søren Hald Møller KNR-imut mail-ikkut nassiussamini taama allappoq soorluttaaaq Nunanut allanut Naalakkersuisoq Vittus Qujaukitsoq ippassaq taama oqartoq.
Aamma atuaruk: PITUFFIK Qujaukitsoq: Atorfilinnik soraarsitsisoqarnavianngilaq
Naalakkersuisut siulittaasuat, taassumalu naalakkersuisoqarfiani pisortaq, nunanut allanut pisortaqarfimmit ilisimatinneqarsimasariaqaraluartut, Spiermannip nalunaarusiaani ilaatigut inerniliunneqarpoq.
Pituffimmi suliariumannittussarsiuussisoqarnerani Greenland Contractorsip amerikamiut suliffeqarfiutaannut ajorsarneranut kina imaluunniit kikkut akisussaasuunersut ajornakusoorsimavoq.
Nunanut allanut pisortaqarfiup, Naalakkersuisullu siulittaasuata Naalakkersuisoqarfiata akornanni akisussaaffiit suunersut ersarinnerulernissaat suliniutigineqalereersoq, Naalakkersuisoqarfiup pisortaata Søren Hald Møllerip erseqqissaatigaa.
Aamma atuaruk : PITUFFIK Hardenbergi suliamut akuunersoq uppernarsaatissaqanngilaq
Suliassat amerlavallaarlutillu unamminartoqarsinnaanerat Pituffimmi suliariumannittussarsiuussinermi malittarisassat allanngortinneqarsimanerisa takkuitsoorneqarsimanerannut pissutaaqataasimasinnaasut, eqqartuussissuserisup nalunaarusiaani inerniliunneqarpoq, taamaattorli Søren Hald Møller isumaqarpoq atorfilittat ima artukkerneqarsimatiginngitsut allaat malittarisassat nutaat takkuitsoorneqarsimallutik.
Suliaq pillugu politikkikkut aalajangiisoqarsinnaanissaannut atorfilittat piaaralutik mattussiniarsarisimanngitsut, Søren Hald Møllerip ilanngullugu erseqqissaatigaa.
Aamma atuaruk Pituffik IA: Aleqap akisussaaffik qimarratigisinnaanngilaa
Aamma atuaruk ATAATSIMUT ISIGALUGU Pituffimmi kiffartuussinissamik isumaqatigiissutip annaaneqarn
