Syfilis tuniluuppoq

Nunatsinni peqqinnissaqarfiit sulisoqarniarnermikkut ajornartorsiuteqareersut, maanna nappaamik syfilisimik nungusaaniarnissaminnik aamma ilungersuutissaqalerput. Tassami ukiut arfineq-marluk matuma siornanut naleqiukkaanni syfilisertutut nalunaarutigineqartut 72-inik amerleriarsimapput.
- Tamanna amerlasuut katsorsarneqartariaqarnerinik kinguneqassaaq, taamaattoqarneratigullu Peqqinnissaqarfik suliassaqarfimmi tassani aamma angummanniartariaqalissalluni. Syfilis nappaataavoq peruluutaasinnaasoq tunillatsisimasunullu attaveqarnissamik annertuumik suliassartaqarluni, tamannalu Peqqinnissaqarfimmut tamarmut artukkiisinnaavoq, Henrik L. Hansen oqarpoq.

Syfiliisi piffissaatillugu katsorsarneqarsimanngikkaangat inuunerup sinnerani nappaatinngorsinnaasartoq nakorsaaneq oqarpoq. 

- Syfilis nappaatipalaanut gonorremut klamydiamullu naleqqiullugu sakkortuneruvoq,  timimiiginnarsinnaammat aseruuttoortitsilerluni, inuunermilu kingusinnerusukkut peruluutaalersinnaalluni.

AAMMA ATUARUK Syfilisertut aatsaat taama amerlatigisut

Henrik L. Hansen taama oqarpoq, inuillu atoqatigiinnermi illersuuteqartarnissaat kaammattuutigalugu.

- Sianigeqqissaarneqartariaqarpoq, sapinngisamillu pitsaanerpaamik illersuuteqarfigineqartariaqarluni, taamaaliunngikkaannimi annertuupilussuarmik kingunerlutsitsisinnaammat, Kalaallit Nunaanni nakorsaaneq Henrik L. Hansen KNR-imut taama oqarpoq.

AAMMA ATUARUK Nukappiaraq syfiliserluni inuusoq