Syfilisimut mianersoqusineq: Nukappiaraq syfiliserluni inuusoq
Ukioq manna syfilis-imik tunillanneqarsimasut septembarip qaammataata qulingata tungaanut nalunaarsorneqarsimasut naapertorlugit inuit 75-it syfilisimik tunillanneqarsimasut nalunaarsorneqarsimapput. Taakkunani nukappiaraq inoorlaaq aamma ilaalluni, tamannalu Nunatta Nakorsaanera naapertorlugu annilaarnartuuvoq:
- Naartoq tunillanneqarpat katatsinermik, toqungasulinermik imal. inunnguutsimik syfilisimik nappaateqarnermik kinguneqarsinnaavoq. Inunnguuseralugu syfilis assigiinngitsunik anigugassaanngitsunik nappaateqalernermik soorlu innorluuteqarnermik eqqarsartaatsikkullu kinguarsimanermik kinguneqarsinnaavoq. Syfilis sakkukitsumik atorneqartoq inuunerup ilaani kingusissukkut aatsaat paasineqartarpoq ilaannilu paasineqanngitsoortarluni, Nunatta Nakorsaanera Henrik L. Hansen Nunatsinni syfilis-imik tunillanneqarsimasut pillugit nalunaarusiarigallakkamini ilaatigut taama allappoq.
AAMMA ATUARUK Syfilisertut aatsaat taama amerlatigisut
Qulinik ukiulik aamma tunillanneqarsimasoq
Nunatta Nakorsaanerata kisitsisini saqqummiussaani ilaatigut aamma takuneqarsinnaavoq quliniit 19-inut ukiulinni aqqaneq marluk syfilisimik tunillanneqarsimasut. Ukioqatigiiaanilu immikkoortiterilluni nalunaarsuinermi 20-niit 29-inut ukiullit syfilisimik tunnillanneqarsimasut amerlanersaapput, ukioqatigiiaani taakkunani 33-t tunillanneqarsimasut nalunaarsorneqarsimammat.
Ilulissani, illoqarfiup napparsimaveqarfia syfilisertoqarneranik juulimi aarlerisaariffiusumi, takuneqarsinnaavoq inuit arfineq-pingasut kinguaassiuutitigut nappaammik taassuminnga naviartumik tunillanneqarsimasut. Tassani inuusuttuaqqat 15-iniit 19-it tungaanut ukiullit marluk tunillanneqarsimasut, inuit allat marluk 20-iniit 24-it tungaanut ukiullit aamma tunillanneqarsimapput.
AAMMA ATUARUK Nappaatipiluit Danmarkimi tuniluuttorujussuupput... aamma nunatsinni
Uani takuneqarsinnaapput Nunatsinni syfilisimik tunillanneqarsimasut sumiiffikkaarlugit nalunaarsorneri:
Uani tunillanneqarsimasut suiaassusaat ukiuisa agguataarneqarsimanerat takuneqarsinnaavoq:
Ilulissani tunillanneqarsimasut ukiuisa agguataarsimanerat:
