Sulisut peqatigiiffiata nalunaarusiaq ilisaraa: Perorsaasut meeqqerivinni suliinnartikkuminaapput
Meeraaqqerivinni meeqqerivinnilu perorsaasut sulisut paariinnarnissaat ajornakusoortarpoq akissarsiat peqqutigalugit.
Nunatsinni perorsaasut kattuffianni siulittaasup, Arnaq Brønlundip, tamanna uppernarsarpaa. Nunatsinni Kalaallit Nunaanni ulluunerani paaqqutarinniffinni misissuinermi nalunaarusiami saqqummersumi tamanna aamma takuneqarsinnaavoq.
AAMMA ATUARUK MIO nunatsinni ulluunerani paaqqinniffiit pitsaassusaat politikkikkut ukkatarineqaqqugai
Nalunaarusiaq naapertorlugu meeraaqqerivinni meeqqerivinnilu perorsaasunik sulisoqaannarniarneq unammillernartuuvoq, pissutigalugu perorsaasut ulloq unnuarlu paaqqutarinniffinni imaluunniit atuarfinni perorsaasutut - ilaatigullu suliffeqarfinni allani ilinniarsimanngitsutut sulinermi akissarsiarissaarnerusinnaammata.
Una nalunaarusiaq MIO-mit suliakkiissutigineqartoq VIVE-mit suliaavoq. Assersuutigalugu perorsaasup ulloq unnuarlu paaqqutarinniffinni suliguni ulluunerani paaqqutarinniffinni sulinermit 175.000 koruunit missaannik aamma atuarfinni perorsaasutut 85.000 koruunit missaannik akissarsiaqarnerusinnaanissaq naatsorsuutigisinnaavaa.
Alloriarneq siulleq
Perorsaasut meeraaqqerivinni meeqqerivinnilu sulinerminni aningaasarsiakinnerat peqqutigalugu suliinnarsinnaaneq ajortut, Arnaq Brønlundip nassuiaatigaa.
- Ilumut, taamaappoq. Taamaammat aamma maluginiarneqassaaq, kingullermik isumaqatigiinniarnermi ulluunerani paaqqinniffinni - aammalumi ulloq unnuarlu angerlarsimafinni - persorsaasut aallarterlaat akissaataat annerpaamik malunnarnerusumik qaffaaffigivagut, Arnaq Brønlund oqarpoq.
Ny overenskomst for pædagogerne
- Den nye overenskomst løber fra den 1. april 2020 til 31. marts 2024. Her stiger grundlønnen med tillæg for en stuepædagog med omkring 13 procent.
- Det svarer til en stigning på omkring 2.500 kroner, og giver en månedsløn på 22.945,14 kroner før skat.
Isumaqatigiissummut siullermut sanilliutissagaanni, perorsaasut meeraaqqerivinni meeqqerivinnilu sulisut tunngaviusumik aningaasarsiaat maanna assigiilertut, taanna Arnaq Brønlund nassuiaavoq.
Kisianni ulloq unnuarlu paaqqinnittarfinni perorsaasut, paarlakaattumik sulisaramik tapii qaffasinnerupput.
Apriilip aallaqqaataa aallarnerfigalugu perorsaasut akissarsiaannut tunngasoq isumaqatigiissut atuutilissaaq.
Nutaamik isumaqatigiissuteqarnikkut tunngaviusumik akissarsiaritinneqartuni inimi perorsaasumut tapit 13 procentit missaannik qaffapput. Tamanna 2.500 koruunimik qaffaasoqarnerata assigaa, tamannalu qaammammut akissarsiani akileraannginnermi 22.945,14 koruuniuvoq.
AAMMA ATUARUK Nalunaarusiaq: Meeraaqqerivinni meeqqerivinnilu pitsaassutsit ima pitsanngorsarneqarsinnaapput
- Alloriarnerput taanna siulliuvoq. Tassunga killiinnanngilagut. Suli pitsaanerusoqarsinnaanera angorusunnartorujuuvoq, Arnaq Brønlund oqarpoq.
Suleqatigiilluarnerunissamik ujartuisut
Ulluunerani paaqqutarinniffinni pisortatut sulinermi ataatsimoortumik tungaveqarnissaq aammalu ilinniaqqittarnermut nangittumillu ilinnartarnermut periusissiornissaq nalunaarusiami inassutigineqartoq, taassuma maluginiarpa.
- Innersuussutaani suliffeqarfinni pisortaasut qanimut suleqateqarnikkut aaqqissueqqinnissamullu pitsaanerusumut ingerlaqqinissaannut pingaaruteqartoqarnera qiviapallattorujussuuara, taanna oqarpoq nangillunilu:
- Sulisut atugaasa pisortaminngaanniit pitsaanerusumik ilisimaneqarnerullutillu qanimut malinnaafigineqarnissaat, tavalu nukittorsartuarneqartarnissaat sulisunulu inerisaanermik siuarsaasarnissaq taamaasilluni pingaarutaa tassaniikkami, Arnaq Brønlund oqarpoq.
