Sukkasuumik misissuutit pillugit kukkuluttorneq: Kommunit innutaasut pisuujusutut imaluunniit piitsuusutut taassanngilaat

Sapaatip akunnera kingulleq corona pillugu tusagassiortunik katersortitsinermi På et pressemøde om coronasituationen i sidste uge lovede Naalakkersuisut neriorsuipput innutaasunut angerlarsimaffinni misissuutinut nammineq akilernissaannut akissaqanngitsunut kommunit agguaassasut.

Tamannali kommuninit erseqqissumik itigartinneqarpoq. 

 … kommunit innuttaasut akissaatikitsuunersut naliliiffiginissaannut inatsisitigut tunngavissaqanngimmata, tamannalu misissuutissanik innuttaasunut tunniussinissamut tunngavigineqartussaavoq, kommuninit taakkunannga tallimanit ataatsimut tusagassiuutinut nalunaarummi nalunaarutigineqarpoq.

AAMMA ATUARUK Kommunit nammineq misissuutinik akeqanngitsunik tunniussuisinnaanngiinnartut

Kisianni sooq kommunit innutaasunut akissaqanngitsunut misissuutit akeqanngitsut agguaassinissaat inatsisit ajornartippaat? 

Kommuneqarfik Sermersooq KNR-imut paasissutissiivoq, ilaatigut periaatsimik tunngaviusumik ima taaneqartartumik  ”lighedsgrundsætningen” (“naligiinnissamut tunngaviusumik oqaaseqatigiit”) peqquteqartoq, tassanilu oqaatigineqarpoq kommunep innuttaasut tamaasa assigiimmik pissagai immikkoortitsissananilu.  

Inuk pillugu paasissutissat inummut namminermoortuupput 

KNR-ip aamma Anette Storgaard, Ilisimatusarfimmi inatsisilerinermut immikkoortoqarfimmi professoriusoq pisortaallunilu, naliliinera pilliugu aperaa.  

Erseqqissarpaa taamaallat avataaniit malinnaaffigisimallugu kommunillu iluini arlaannik attaveqarsimanani.

- Kisianni kommunit taamatut akimmata uannut tupaallannartuunngilaq, tassami paasissutissat inunnut tunngasut mianernartut pineqarmata, taakkulu pisortani allanit takuneqarsinnaanngitsuniimmata imaaliaallaannaq piumalleraanni tiguneqarsinnaanngillat, nassuiaavoq.   

AAMMA ATUARUK SIK misissuutit akeqanngitsut pillugit: Sumut-una pisut?

Innuttaasoq ”pissakinnerusuunersoq” paasiniarlugu, kommunip  ilaatigut inuk pillugu paasissutissat nalunaarsuutini assigiinngitsuni nassaarisariaqarpaat.

- Imaaliinnarlugu tamaaliortoqarsinnaanngilaq, aamma kommuniugaluaraanniluunniit, Anette Storgaard oqarpoq itisiliillunilu:  

- Taamaliorsinnannginnermut peqqutaavoq inummut namminermjut paasissutissammata, mianersuussassaallutillu, pisortallu tungaanniit innuttaasut pisuujusutut imaluunniit piitsuusutut, pinnersutut imaluunniit pinniitsutut allatulluunniit taaneqarsinnaanngillat.

Inatsisitigut aaqqiineq piffissamik atuinartuuvoq

Kisianni imaanngilaq kommunit akeqanngitsumik akisssaqanngitsunut agguaasinnaanissaat ajornarluinnartoq: 

- Oqartoqarsinnaasariaqarpoq innuttaasut misissutinik akeqanngitsumik qinnuteqarsinnaassasut. Taavali innnuttaasoq qinnnuteqassaaq misissuutillu akeqanngitsumik pissagunigit akueralugu imminut paasissutissanik kommune aalersinnaasoq, Anette Storgaard oqarpoq nangillunilu: 

- Inatsisitigut taamalilluni akuerineqarsinnaasunngorsinnaavoq. Kisianni sivisussaqaaq. Taava immaqa jornannginnerpaasssagaluarpoq misissuutit tamanut akeqanngitsumik agguaallugit. 

AAMMA ATUARUK Sukkasuumik misissuutit Matasimi pisiassat 1.400-it ullut marluunngitsulluunniit nunguttut

Tassa pappiararsorneq annertuallaalissaaq innuttaasunullu nammineq misissuutit tunniunnissaannut periarfissamik utaqqineq sivisuallaalissalluni? 

- Taama isumaliorpunga. Innuttaasut ataasiakkaat siullermik paaseqqaasavaat qinnuteqarnissamut periarfissaqartoq, kingornatigullu immersuilluni, atsiorlunilu kommunip inummut paasissutissat pisariaqartut aasinnaagai. Ilutigalugulu kommunimmi sulisoqartariaqarpoq tamakkuninnga imaginnittumik. Piffissarujussuaq ingerlassaaq, Anette Storgaardm oqarpoq.  

Misissortinneq pisariaaruppoq 

Sapaatip akuunera kingullermiilli KNR-ip  Naalakkersuisumik apersuinissani misilittarsimagaluarpaa paasiniarlugu, sooq misissuutit akeqanngitsut nalunaarutigineqarnersut kommuninik isumasiuineqaqqaarnani.

Peqqissutsimut Naalakkersuisoq Kirsten Fencker (Naleraq) uippakajaarluni napparsimavoq 

Naalakkersuisut marluk Mimi Karlsen (IA) aamma Pele Broberg (Naleraq) taartaapput. 

KNR-ip tmaasa apersorniarlugit misilikkaluarpaa, iluatsinngitsumilli. 

AAMMA ATUARUK Misissuinermi periuseq nutaaq: coronamik tunillatsissimanerit paasiniarlugu misissortinnissaq pisariaqanngilaq

Ataasinngormat tusagassiortunik katersuutitsinermi Mimi Karlsen pisoq pillugu aperineqarpoq. 

Tassanilu akivoq misissortinnissaq pisariaqanngitsoq.

- Sapaatip akunnerani kingullermi tusagassiortunik ataatsimiititsinerup kingorna pissutsit allanngorluinnarput. Amerlanerujussuit tunillatsissimapput. Corona siuariartortorujussuuvoq, pissutsillu taamattut allanngormata uagutsinnut pissutsit allanngorput, oqarpoq nangillunilu:  

- Oqariartuut pingaanerpaaq tassaavoq pingaaruteqarunnaarmat imminut misissornissaq imaluunniit napparsimmavimmut misissortikkiartornissaq. Coronaraanni imminullu paarisinnaalluni angerlarsimasariaqarpoq , taamaattumillu misissortinnissaq pisariaaruppoq.