Small Time Giants single-mik saqqummersitsipput

Nipilersoqatigiit ´Small Time Giants´ immikkuullarilluinnartuupput. Qularnanngitsumik Nunatsinni ilisimaneqarlualertussat. Nipilersoriaasiat rockimik allattulaartumik taaneqarsinnaavoq.

Erinnnap ”Heart Shaped Pillow” takutippaa nipilersoqatigiit qanoq nipilersornermik piginnaaneqartigisut. Erinarsortuatalu nipaa immikkuullarilluinnartoq aamma tusaaneqarsinnaavoq.

Ukioq kingulleq ´Small Time Giants´ Nunatsinni Danmarkimilu sumiiffiit 30-it sinnerlugit tusarnaartitsiffigaat. Massakkullu Danmarkimi immiussisarfiit ilaanni Aarhus lydstudie-mi immiussereersimallutik. Nuusiaat marsimi saqqummersussaq USA-mi Roger Siebel-imit nipigissarneqarsimavoq.

Aarhus lystudiep nammineerluni nipilersoqatigiit saafigisimavai.

- Nipilersoqatigiittut arlaannik peqartut takusinnaagakku saaffiginikuuakka. Isumaqarpunga nipilersorneq pimoorullugu aallukkunikku siunissami angusarissaarsinnaasut, Asger Christensen, Aarhus lydstudiemi piginnittoq KNR.gl-mut taama oqarpoq.

Small Time Giantsikkut Aarhus lydstudiemi saaffigineqarneq nuannaarutigaat.

- Soorunami saaffigineqaratta tupaallappugut. Malugisinnaagatsigu immiussisarfik uagutsinnut tulluartuusoq, immiusititsisullu ilumut soqutigigaatigut takusinnaagatsigu immiussinissaq akueraarput, Miki Jensen, Small Time Giants-imi taalliortoq, KNR.gl-imut oqarpoq.

Mikip taalliai nipilersoqatigiiullutik nipilersuusiortarpaat.

- Tamatta suleqatigiittarpugut. Nipilersoqatigiilluta aalajangertarparput taalliakka atorsinnaanersut, Mike erseqqissaavoq.

Miki, Anda Jakob-ilu meeraallutilli nipilersoqatiittalerput. Kingusinnerusukkullu Jonas Pilutannguaq-lu ilanngussimallutik.

Nipilersoqatigiit Small Time Giants ukuupput:
Miki Jensen, erinarsortoq, guitarertoq.
Jakob Skovaa, Qatitoortoq.
Anda Hendriksen, guitarertoq.
Pilutannguaq Hammeken, Guitarertoq, pattattoq.
Jonas Lundsgaard Nilsson, tumerparpaartoq.  

Erinaq "Heart Shaped Pillow" facebookianni tusaaneqarsinnaavoq.