Politikerit saqqumilaartut marluk TASIORTA-mut aallartitaalerput

Folketingimi Inatsisartunilu ilaasortaq Juliane Henningsen aamma KANUKOKA-p siulittaasua Enok Sandgreen inersimasut, meeraanerminni kinguaassiutimikkut atornerlunneqarsimasut, ikiorniarlugit piumassutsimik sulisut tapersersorumallugit akuersaarput.
Allattoq Jens Thorin
marsip 07-at 2009 13:21

TASIORTA taamaalilluni neriuppoq, kinguaassiutitigut atornerluisoqartarnera suli annerusumik eqqumaffigineqalissasoq.

- Kinguaassiuutinut persuttaaneq tassaavoq kinguaassiutitigut atornerluineq, inersimasup atoqatigiinnikkut pisariaqartitani naammassiniarlugit meeqqap tatigininneranik atornerluiffiusoq.

Kinguaassiuutinut persuttaanerup aamma ilangilluinnartarpaa, tarnikkut timikkullu nakuuserneq.

Taamaammat TASIORTA-p siunertaanut naapertuulluinnarpoq, sapaatiuppat marsip arfineq pingajuani, arnat nunarsuami tamarmi sorsuutigisaminnut ulluanni, arnanut persuttaasarneq oqallisigineqassappat, Arnaq Grønvold, TASIOTA-p siulittasua oqarpoq.

Kikkulluunniit nunatsinni tamaniit siunnersorneqarsinnaapput, marlunngornikkut arfineq pingasuniit qulit tungaanut aamma sisamanngornikkut pingasuniit tallimat tungaanut uunga sianerlutik: 141.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq